Kampanien
Campania (Plattdüütsch: Kampanien) is en Region in Süüd-Italien. Se grenzt in'n Noordwesten an Latium, in'n Norden an Molise, in'n Noordosten an Apulien, in'n Osten an de Basilicata un in'n Westen an de Tyreensche See. De Region is 13.595 km² groot un dor leevt um un bi 5.7 Mio Inwahners. De Region ehr Naam kummt direktemang ut de Latiensche Spraken. De Römers hefft de doren Gemarken Campania felix nömmt, wat Glückliche Landschop bedüden deit. De Hööftstadt vun de Campania is Neapel. De Region is updeelt in fiev Provinzen. Twuschen 600 un 200 v. Chr. weer Capua de wichtigste Stadt vun Kampanien. In düsse Tieden is ok in de Samnitenkriege twuschen Rom un dat Volk vun de Samniten dor over streden wurrn, wer Baas in de Campania ween scholl. Tolest hett Rom sik dörsetten konnt. In dat fröhe Middeloller is Amalfi een vun de wichtigsten Hannelsstäder vun Europa ween. Vun dat late Middeloller af an steiht avers Neapel ganz boven in de Campania.
Wat een sik in de Campania ankieken scholl
ännern- Grott vun de Sibylle to Cumae
- Greeksche Tempels in Paestum
- Röömsche Städer in Pompeji un Herculaneum
- Röömsche Villas in Oplontis un Stabiae
- Vulkane vun den Vesuv
- Solfatara (Vulkan)
- Küst vun Amalfi vun Sorrento bit Salerno
- Eilannen Capri un Ischia
- Region Cilento vun Salerno bit Sapri
