Karin Friedrich (Journalistin)
Karin Friedrich (* 18. Februar 1925 in Marburg; † 27. November 2015) weer en düütsch Journalistin un Schrieverin.
Karin Friedrich weer de Dochter vun Ruth Andreas-Friedrich un Otto A. Friedrich, den lateren Präsidenten vun de Bundesvereinigung der Deutschen Arbeitgeberverbände. Se hörr as hör Moder un deren Levensgefährte Leo Borchard wiels de Tiet vun den Natschonalsozialismus de Wedderstandsgrupp Onkel Emil an.
Nah den Tweten Weltkrieg weer se tonächst över fiev Johren as Schauspelerin an dat Berliner Hebbeltheater anstellt. 1950 hett se ehr beroplichen Swoorpunkt nah München up den Journalismus verlagert un hett sück in dissen Beriek vör allen mit sozialpolitisch Themen utnannersett. Nah en Anstellung bi de Tietschrift Echo der Woche as ok en Volontariat bi de Südpost hett se van 1953 bit to hör Ruhestand 1992 as Reporterin un Redakteurin bi de Süddeutschen Zeitung arbeit
Doröver herut hett sück Karin Friedrich in de Weiße Rose Stiftung un den Helperkrink Miteinander leben-ProAsyl insett. 2004 wurr se vun de Gedenkstäe Yad Vashem as Gerechten mank de Völker ehrt.[1]
Se leev later in Gauting un is in de Nacht to’n 27. November 2015 storven.[2]
Böker
ännern- Wege ins gelobte Land. Metropol, Berlin 1994, ISBN 3-926893-74-5.
- Zeitfunken. Biographie einer Familie. Beck, München 2000, ISBN 3-406-45868-8.
Literatur
ännern- Kürschners deutscher Sachbuch-Kalender. 2. Jahrgang, 2003/2004, Vörlaag:ZDB, S. 201.
Weblenken
ännern
- DNB-Katalog
- Websteed Weiße Rose Stiftung to de Utstellung Onkel Emil in dat Johr 2012
- Helmut Zeller: Vom aufrechten Gang. Artikel in de Süddeutsche Zeitung van’ 14. Februar 2013
Enkeld Nahwiesen
ännern- ↑ Gerechte unter den Völkern: Deutschland (PDF; 271 kB)
- ↑ Christian Krügel:Stimme für die Benachteiligten, in Sueddeutsche.de van’ 27. November 2015.