Marborg
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 124,5 km² | |
| Inwahners: | 72.240 (31. Dezember 2007) | |
| Inwahnerdicht: | 580,2 Inwahners pro km² | |
| Hööchd: | 173 m över de See | |
| Postleettall: | 35001-35043 | |
| Vörwahl: | 06421 | |
| Geograafsche Laag: | Koordinaten:50° 49′ N, 8° 46′ O50° 49′ N, 8° 46′ O | |
| Grenzen bi OSM: | 225494 
| |
| Gemeenslötel: | 06 5 34 014 | |
| Börgermeester: | Thomas Spieß (SPD) | |
| Websteed: | www.marburg.de | |
| ||
De Universitätsstadt Marborg is de Kreisstadt vun den Landkreis Marburg-Biedenkopf in Hessen. Se liggt an den Lahn-Stroom. Stadtrechten hett Marborg al in dat 12. Johrhunnert kregen. Hüdigendags is Marborg en Böverzentrum in de Region Middelhessen. Tohopen mit sess annere Städer in Hessen warrt Marborg as en Middelstadt ankeken un hett, vergleken mit annere Gemeenden, de to en Landkreis tohöörn doot, en sünnerlichen Status (Sünnerstatusstadt). Dor övernümmt se Upgaven vun en Landkreis mit. In allerhand Saken is se liek as ene Kreisfree Stadt.
In Marborg gifft dat de Philipps-Universität. Dat is de öllste Universität up de Welt, de vun den Protestantismus grünnt wurrn is un de dat hüdigendags noch geven deit. Bowarken un Studenten vun de Universität präägt ok hüttodaags noch dat Stadtbild. De Gemarken vun de Stadt treckt sik up beide Sieten vun de Lahn henlang bit rin in dat Bargland vun Gladenbach. Ööstlich gaht se över de Lahnbargen henweg bit an den Rand vun dat Amöneburger Becken.
De Naam
ännernDen Naam „Marborg“ hett de Stadt kregen, vunwegen dat fröher de Grenz („mar(c)“) twuschen de Länner vun de Landgrafen vun Döringen un de Arzbischöppe vun Mainz just hier langslopen dö.