Karl-Mahnke-Theaterpries
De Karl-Mahnke-Theaterpries is en Pries för plattdüütsche Theaterstücken, de vun de plattdüütschen Bühnenbünn un den Mahnke-Verlag utloovt worrn is. He schull 2009 dat eerste Maal vergeven warrn un denn all dree Johr wedder. De Jury hett aver beslaten, dat de inreckt Stücken de nödige Qualität nich hebbt un dat de Pries nich vergeven warrt. Nu warrt de Pries eerst 2012 dat eerste Maal vergeven. De Pries is mit en Priesgeld vun 1000 Euro verbunnen un dat Stück vun’n Winner schull in’n Mahnke-Verlag rutgeven un op een vun de plattdüütschen Bühnen ut de Bühnenbünn toeerst opföhrt warrn. Besünners junge Schrievers schullen dor bi stöhnt warrn, de Öllersgrenz för’n Pries is 35. He schall jedet Maal en bestimmten Swoorpunkt hebben. För dat eerste Maal 2009 weer dat dat Kinner- un Jöögd-Theater wesen.
Weblenken
ännern- Infos to’n Pries bi’n Mahnke-Verlag (hoochdüütsch)
|
De Artikel „Karl-Mahnke-Theaterpries“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen. |