Karl Flink
Karl Flink (* 7. Dezember 1895 in Weilerswist; † 28. November 1958) weer en düütsch Footballspeler un - trainer.
Leven
ännernKarl Flink weer de Söhn vun en Weertsmann un fung as Turner an. Nahdem he an dat Städtisch Gymnasium in Brühl un den dortigen SV mit dat Footballspelen anfungen harr, hett he sück 1910 den Kölner Spitzenclub KBC anslooten, wo he sück langsam vun de achte Mannschap bit in de eerste Mannschap vörarbeiten dee. Wiels den Eersten Weltkrieg speel he as Gastspieler in Berlin bi BTuFC Viktoria 1889. Dor hett he 1919 en Utbillen as Football-Lehrer afslooten. Karl Flink wurr dreemal in de Berlin-Utwahl beropen, dreemal in de Utwahl vun Süüddüütschland un in de Utwahl vun Westdüütschland is he 20mal antreeden. Later is he över en Tätigkeiten för Borussia Neunkirchen (1918-1920) weer bi den Kölner BC land, wo sien aktiv Karriere 1925 utleep.
Flink hett an‘ 2. Juli 1922 vör 35.000 Tokiekers bi dat 0:0 gegen Ungarn sien eenzig Lännerspeel för Düütschland maakt. De blots 1,57 m groot Middelfeldspeler rechter Löper keem dorbi ok blots to’n Insatz, wiel eenige Stammkräfte fehlen deen.
All in de 1920er Johren nehm Flink sien eerste Football-Lehrerstäe wohr, as he Trainer bi den Siegburger SV 04 weer. In de 1930er Johren bedreev he de Gastweertschap Kölner Hof in Weilerswist. Tweemal, van 1934 bit to’n Harvst 1935 un van 1937 bit 1939, hett he Fortuna Düsseldörp traineert.[1] Flink weer nah den Grünnen vun den 1. FC Köln in‘ Februar 1948 dor de eerste Trainer, bevör he in‘ Juli 1948 weer to Fortuna Düsseldörp gung. He hett de Fortuna bit to’n Januar 1949 betrüet, as he vun Theo Breuer aflööst wurr.[1] Later traineer he ünner annern den TSV Eller 04 un VfB Bottrop. Nah dat Enn‘ vun sien Trainerloopbahn bedreev he en Toto-Annahmestäe an den Düsseldörper Hööftbahnhof.
Karl Flink, de sück nah den Dood vun sien Fru nochmal verheiraadt harr, is mit 62 Johren an‘ 28. November 1958 storven.
Literatur
ännern- Jürgen Bitter: Deutschlands Fußballnationalspieler. Sport-Verlag Berlin 1997, ISBN 3-328-00749-0.
- Heiner Gillmeister: Fußball im Kölner Land. Die Geschichte des SC Brühl, Verlag Die Werkstatt Chöttingen 2012, ISBN 978-3-89533-881-6.