Karl Meyer (Schriever)

Karl Meyer (* 3. Oktober 1876 in Kolkhagen; † 16. Oktober 1954 in Jelmstörp) weer en plattdüütschen Schriever un Heimatforscher.

Meyer is 1876 as Söhn von en Buur in Kolkhagen boren.

1896 is he Schoolmeester in’n Solling worrn un later an de Scholen in Toppenstää, in Kolkhagen un toletzt in Jelmstörp wesselt.

Blangenbi weer he Schriever op Plattdüütsch un op Hoochdüütsch, hett Gegenstänn ut dat ole Buurnleven sammelt un Heimatforschung dreven.

Meyer hett Dorothea Graue freet. De beiden harrn twee Söhns un twee Döchter.

Warken

Plattdüütsch:

• Dörpswies. Een Bur’nstück in veer Deel. Meyer, Bämsen 1910
• Schulten Marie. Een Burnstück in dree Deel. Meyer, Jelmstörp 1913
• Müllerdochder un Hüslerkind. Zwei Akte. Lümborg 1914
• De Snee. Eene plattdütsche Kemedi in veer Deel. Mahnke, Veern 1922
• De Zauberwohld. Een plattdütsch Märchenspell in 1 Deel un een lütt Vörspell. Mahnke, Veern 1922

Hoochdüütsch:

• Heimatbuch der Stadt und des Kreise Uelzen. Tweten Band: Heimatkunde des Kreises Uelzen. C. Beckers Buchdruckerei, Ülzen 1931

Weblenken

• Karl Meyer (Schriever) in de Datenbank Die niederdeutsche Literatur (hoogdüütsch)