Karl von Barton gen. von Stedman

Carl Johann Wilhelm von Barton gen. von Stedman (* 7. September 1845 op Huus Besselich in Urbar; † 28. November 1901 in Bonn) weer en düütschen Offzeer in de Prüüßsche Armee.

Barton is 1845 as Söhn von Agnes, borene Roth (18. Oktober 1808–22. Dezember 1883), un den Goodsbesitter Karl Barton (12. Juli 1804–13. Juni 1882) op Huus Besselich boren.[1] De Vader is 1858 adelt worrn un hett denn den Naam von Barton annahmen. 1862 hett he den Naam von Barton gen. von Stedman annahmen. Barton hett Privatünnerricht kregen un weer op dat Gymnasium in Koblenz.[1]

In de Armee is he as Dreejohrig-Freewilligen bi dat 4. Garde-Grenadier-Regiment an’n 9. Januar 1862 intreden.[1] He is an’n 15. September 1863 Portepee-Fähnrich worrn, an’n 22. Mai 1864 Seconde-Leutnant un an’n 15. September 1869 Adjutant von dat 1. Batalljoon.[1] Von’n 20. Juli 1870 bet 21. Dezember 1874 weer he Regiments-Adjutant.[1] An’n 12. Oktober 1870 is he Premier-Leutnant worrn un weer von’n 22. Dezember 1874 bet 13. April 1876 Adjutant von de 3. Garde-Infanterie-Brigaad.[1] To’n 16. Dezember 1875 hett he den Rang von en Hauptmann kregen un is an’n 18. Mai 1876 Baas von de 10. Kumpanie worrn.[1] An’n 15. November 1883 hett he de 1. Kumpanie övernahmen.[2] An’n 22. März 1887 is he in dat Garde-Grenadier-Regiment Nr. 2 versett un gliektiedig Major worrn.[1] Dor hett he an’n 18. August 1888 as Kummandör dat 1. Batalljoon övernahmen.[1] An’n 17. Mai 1892 is he mit de Funkschonen von en etatmäßigen Staffsoffzeer beopdragt un in dat Infanterie-Regiment Nr. 95 versett worrn.[1] An’n 18. Juni hett he den Rang von en Oberstleutnant kregen un weer denn richtigen etatmäßigen Staffsoffzeer.[1] Mit’n 13. Mai 1895 hett he den Rang as Oberst kregen un weer denn Kummandör von dat Infanterie-Regiment Nr. 75.[1] Dat is he bet to’n 20. Juli 1898 bleven, as he Generalmajor un Kummandör von de 43. Infanterie-Brigaad worrn is.[2] An’n 5. August 1899 is he in Rohstand gahn.[2]

Barton weer in’n Düütsch-Däänschen Krieg 1864 (Storm op de Düppeler Schanzen), in’n Krieg von 1866 (Gefecht bi Soor, Slacht bi Königgrätz) un in’n Düütsch-Franzööschen Krieg 1870/1871 (Slacht bi Saint-Privat, Gefecht bi Beaumont, Slacht von Sedan, Belagerung von Paris) an aktive Gefechten bedeligt.[1]

Barton hett Ilse Löbbecke freet.

FootnotenBearbeiten

  1. a b c d e f g h i j k l m Hermann Konrad Eggers: Offizier-Stammrollen des Königlich Preußischen 1. Hanseatischen Infanterie Regiments No. 75 1866–1897. J. Behrens, Bremen 1897, Sied 12
  2. a b c http://gmic.co.uk/topic/23168-karl-von-barton-stedman/