Karl von Horn (1833–1911)

Karl Heinrich Ludwig von Horn (* 24. Oktober 1833 in Halverstidde; † 7. Oktober 1911 in Göttingen) weer en düütschen Verwaltungsbeamten.

Horn is 1833 as Söhn von’n Gehemen Obermedizinalraad Wilhelm Horn in Halverstidde boren. As de Vader an’n 28. Dezember 1865 in’n Adelsstand hoven worrn is, hett ok de Söhn dat Adelsprädikat von kregen.

Horn hett Juristeree studeert un is na dat Studium in’n prüüßschen Staatsdeenst gahn. He weer 1860 Gerichtsassesser in Berlin un siet 1866 Regerungsassesser bi de Regerung in Potsdam. 1869 is he Amtshauptmann von dat Amt Usler worrn. He weer von 1874 bet 1878 Amtshauptmann von dat Amt Heien un Kreishauptmann von’n Kreis Heien. Von 1877 bet 1881 weer he denn Landraad von’n Kreis Stemmert, is 1881 Regerungsraad bi de Regerung in Königsbarg worrn un 1884 Böverregerungsraad bi de Regerung in Meideborg. 1888 hett he den Charakter von en Gehemen Regerungsraad in dat prüüßsche Binnenministerium kregen un weer von 1891 bet 1901 Regerungspräsident von’n Regerungsbezirk Marienwerder.

Von Horn hett an’n 9. Oktober 1869 in Potsdam Elisabeth Wald (9. November 1848–1. Juli 1932) freet.

He weer Ehrenridder von’n Johanniterorden.