Karl von Müller (Politiker, 1810)
Karl Wilhelm Viktor von Müller (* 29. Oktober 1810 op Slott Herzford; † 5. Dezember 1879 op Good Vrestörp) weer en düütschen Jurist.
Von Müller is 1810 as Söhn von Augusta Ludovika Karolina, borene Gräfin von Nesselrode-Ereshoven (16. Juni 1787–8. Februar 1846), un den hannöverschen Offzeer Gustav von Müller (26. Juli 1775–19. September 1854) op Slott Herzford boren. He hett dat Good Vrestörp bi Bewick arvt un 1847 dat Good Herzford verköfft. He hett Juristeree studeert un weer later Justizraad. He weer von 1852 bet 1854 Viezdirekter von dat Obergericht Lümborg, von 1854 bet 1859 Direkter von dat Obergericht Gosler un von 1859 bet 1867 Direkter von dat Obergericht Lümborg.
In’n März 1877 is he na’n Dood von’n Afornten Ernst Ludwig von Gerlach dör Nawahl mit 53,98 % von de Stimmen för den Wahlkreis Hannover 4 (Ossenbrügge) in den Düütschen Rieksdag wählt worrn. He hett dor to de Welfen hollen. Bi de Rieksdagswahl 1878 hett he 55,36 % von de Stimmen kregen. He hett wieder to de Welfen hollen un weer nu Hospitant bi dat Zentrum.[1] He is bet to sien Dood 1879 in’n Rieksdag bleven.[2]
He weer Landschopsraad för de Lümbörger Landschop un för de Landschop Afornten in’n Tweten un Drüdden Hannöverschen Provinziallanddag.
Von Müller hett an’n 16. Juni 1836 in Ossenbrügge Amalie Charlotte Luise Gräfin von Schwicheldt (21. Oktober 1805–13. Januar 1863) freet.[3] De beiden harrn den Söhn Viktor (12. Juni 1840–4. Februar 1894).
Footnoten ännern
- ↑ Biografie von Karl von Mueller in Heinrich Best: Datenbank der Abgeordneten der Reichstage des Kaiserreichs 1867/71 bis 1918 (Biorab – Kaiserreich)
- ↑ Fritz Specht, Paul Schwabe: Die Reichstagswahlen von 1867 bis 1903. Eine Statistik der Reichstagswahlen nebst den Programmen der Parteien und einem Verzeichnis der gewählten Abgeordneten. 2. Oplaag, Verlag Carl Heymann, Berlin 1904, Sied 117
- ↑ http://www.schlossarchiv.de/TNG/getperson.php?personID=I807X29M&tree=tree1