Katja Holanti
Katja Holanti (* 5. April 1974 in Vehkalahti) is en ehmalge finnisch Biathletin.
Katja Holanti leevt in Joensuu un hör Vereen weer Vehkalahden Veikot. Siet 1990 betreev se Biathlon un is siet 1993 in‘n Biathlon-Weltcup antreeden. In hör eerst Rennen, en Eenzel in Lillehammer, reck se glieks Platz 19 un dormit ok de eersten Weltcuppunkte. Ansluutend düer dat aber längere Tiet, bit se en ähnlich goot Platzeeren nochmals recken kunn. Bi de Olympisch Winterspelen 1994 keem se in’t Eenzel up Rang 56 un mit de Staffel up den 10. Platz. Beter leep dat bi de Biathlon-Weltmeesterschapen 1995 in Antholz. Dor reck se Platz 38. in‘t Eenzel, 36. in’n Sprint un mit de finnisch Staffel Platz 9. Een Johr later reck Holanti in Ruhpolding mit Platz 12 in dat Eenzel neben den 46. Rang in‘n Sprint en recht goot Ergevnis. Ein eerst richtig goot Ergevnis in’n Weltcup reck Holanti 1996 in Östersund as Veertplatzeerte mit de finnisch Staffel. Ok bi de Weltmeesterschap 1997 in Osrblie kunn se eerstmals en eenstellige Platzeeren recken. In den Mannschapswettbewarf kemm Finnland up den 6. Platz. Dorto keem noch Platz 46 in‘t Eenzel, 20 in‘n Sprint, 22 in de Verfolgung un Rang Teihn mit de Staffel.
1998 nehm Holanti in Nagano weer an de Olympisch Spelen dee. In dat Eenzel un in’n Sprint keem se dorbi up Platz 45 bzw. 46. Kört nah de Spelen schaff se in Hochfilzen as Negente in’n Sprint eerstmals en Top-Ten-Ergevnis in en Weltcup-Rennen. Todem wunn se bi de WM 1998, deren Verfolgungsrennen (Platz 29) up den olympischen Sprint footen dee, in’n Mannschapswettebewarf mit Tiina Mikkola, Mari Lampinen un Sanna-Leena Perunka de Bronzemedaille. In den Biathlon-Weltcup keem se in de Endafreeken up den 42. Platz.
In de Folgesaison keem se in de Gesamtwertung vun den Weltcup up den 24. Platz. Dorbi keem se dreemal bi eenzelt Rennen ünner de best Teihn. Hör best Ergevnis weer Platz 5 bi en Sprint in Valcatier in Kanada. Recht spoodriek weer Holanti ok bi de Weltmeesterschap 1999 in Kontiolahti. Nah Platz 15 in’n Sprint schaff se in de Verfolgung Platz 7 un keem todem mit de Staffel up den 6. Platz.
De Saison 1999/2000 fung mit Platz 8 in dat Eenzel un Platz 9 in de Verfolgung in Hochfilzen goot an, dat weern aber ok hör eenzige Top-Ten-Ergevnisse in de Saison. In den Gesamt-Weltcup belegg se an’n Enn’n Platz 35. Ok bi de Biathlon-Weltmeesterschapen 2000 keem se nie ünner de best 25. Noch schlechter verleep de WM 2001 in Pokljuka mit Ergevnissen jensiets vun Platz 50 un en Överrunnen in de Verfolgung. In de Weltcup-Saison 2000/2001 keem se ok blots eenmal mit Platz 27 ünner de best 30 un keem in de Gesamtwertung up Platz 72.
De letzt Saison 2001/02 vun Holanti wurr ok hör Beste. De Finnin wunn in Osrblie dat Sprintrennen vör Kati Wilhelm, Katrin Apel, Olga Pyljowa, Corinne Niogret, Andrea Henkel un annern un schaff dormit hör eenzigen Sieg. In’t Eenzel keem se up den darten Platz. In de Gesamtwertung vun de Saison keem se up Platz 20. Hör letzt Grootereignis weern de Olympisch Winterspelen 2002 in Salt Lake City. Dor keem se in dat Eenzel up den 13. Platz, in’n Sprint up Platz 52 un kunne sück in de Verfolgung up den 46. Platz verbetern. Nah de Saison hett se hör Loopbahn afslooten.