Keitum

Keitum (däänsch Kejtum, noordfreesch Kairem) is en Oortsdeel vun de Gemeend Sylt-Oost up de Eiland Sylt. De Oort wurr in dat Johr 1216 eerstmals oorkundlich erwähnt un gellt hüüd wegen sien tallriek Alleen un olde Boombestand as de „grööne Oort“ vun dat Eiland. Dor leven ruch 850 Inwahner, anner Borns snacken aber ok vun 1.300 Inwahner.

Blick över de Felder vun Keitum to de Kark St. Severin

Historie

Bit Midden vun dat 19. Johrhunnert gell Keitum as Hööftoort vun Sylt. Domols geev dat dor den eenzigen Dokter up dat Eiland un de eenzist Apthek. Dorto weer dat de Seet vun de Verwalten för de nich to de däänsch Kroon tellend Ländereen op Sylt. In Keitum hebbt sück in dat 17. un 18. Johrhunnert tallriek wohlhaben Kapitäne ansiedelt, so dat de Ooort as eenzigst up de ansonsten arm Eiland 'n beten Riekdom harr. Eerst, at de Fremdenverkehr mehr Bedüüden kreeg, hett dat Seebad Westerland ok mehr Bedüüden kregen. Mit de Bo vun de Hindenburgdamm 1927 kreeg Keitum dör sien Bahnhoff in' Süüdwesten vun de Oort Ansluss an de Rieksbahn.

In Keitum hebbt de Schriever Boy Lornsen, de dat Kinnerbook Robbi, Tobbi und das Fliewatüüt schreven hett un de fröhere Intendant vun dat Schiller Theater in Berlin Boleslaw Barlog leevt. Dat Huus vun de 1879 storven Inselchronisten Christian Peter Hansen, dat Altfriesische Haus, is hüüd en Museum.

Kark

De St. Severin Kark wurr all Enn' vun dat 12. Johrhunnert baut un weer oorsprünglich den Hilligen Knut un Ketel weeht. In dat Binnere hett man völ Felssteen verbaut un in de Midden vun de Westwand gifft dat twee spegelbildlich Natuursteen, de nah de Sage vun de Nonnen Ing un Dung stifft wurrn sünd un ok de hör Afbild dorstellen söllt.

Up de Karkhoff vun de St. Severin Kark hebbt neben old Sylter Familien, dorünner naamhaft Kapitänsfamilien, ok mehrere bekannt Persönlichkeiten hör letzt Ruh funnen. Neben Rudolf Augstein un den CDU-Bundsminister Gerhard Schröder liggt ok der Verleger Peter Suhrkamp dor begraben.