Kellerswiene
Kellerswiene oder Kellerwörmer (Isopoda) sünd en vun de man rooren Ornen mank de Kreefte, wo dat ok Aarden vun gifft, de ok up Land vorkamen doot. Allgemeen verscheelt sik de Deerter, de to düsse Gruppen tohöört, bannig. De meisten Aarden leevt in de See, annere in Söötwater, man de wecken Aarden hefft sik anpasst an dat Leven an Land.
| Kellerswiene; Kellerwörmer; Müertieken | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Systematik | ||||||||||||||||||||
| ||||||||||||||||||||
| Wetenschoplich Naam | ||||||||||||||||||||
| Isopoda | ||||||||||||||||||||
| Latreille, 1817 |
Plattdüütsche Naams
ännernAnnere Naams for düsse Deerter sünd Kellersögen, Muerswien, Müertieken, Steentieken, Holtswien un Kellerwörm.
Wo se leven doot
ännernAn un for sik leevt Kellerswiene in’t Water, man de Echten Kellerswiene (Oniscedea) hefft de See verlaten. Ehre Kemen hefft se beholen. Mit Hölp vun en Brödelbüdel kriegt se dat hen un könnt de Jungen in de eerste Levenstied ahn Water upwassen laten.
Systematik
ännernDat gifft bi 10.000 Aarden, de to de Kellerswiene tohören doot. [1]. De weert noch mol updeelt in bi 120 Familien in 10 Unnerornen.
- Anthuroidea (meist in’e See tohuse, man ok in Brack- un Söötwater.
- Asellota (Sunnerlich in de Deepsee vun den Stillen un Atlant’schen Ozean, man ok in’t Söötwater (Waterluus Asellus aquaticus)
- Calabozoidea (in Söötwater un Grundwater in Süüdamerika)
- Epicaridea (Ektoparasiten up Seekreefte weltwiet)
- Flabellifera (Weltwiet in’e See, un de wecken as Parasiten in Söötwater)
- Gnathiidea (In’e See. De Budden leevt as Parasiten up Fisch, de adulter leevt free up’n Seegrund)
- Microcerberidea (lüttje (< 2 mm) Kellerswiene in de See un in Söötwater in de groten Ozeane un in de Middellannsche See)
- Echte Kellerswiene (Oniscedea) (in de ganze Welt, sunnerlich an fuchtige, man towielen ok an dröge Steden an Land)
- Phreatoicidea (in Water an de Uppersiet, Sump, Meere un Grundwater up de süüdliche Halfkogel in grote Hööchde)
- Valvifera (in de See, sunnerlich um de Antarktis umto, man ok in Europa)
Weblenken
ännern
- ↑ Brian Kensley, Marilyn Schotte und Steve Schilling: World List of Marine, Freshwater and Terrestrial Isopod Crustaceans Smithsonian National Museum of Natural History (op 2010-12-07)