Kerstin Garefrekes

Kerstin Garefrekes (* 4. September 1979 in Ibbenbüren) is en düütsch Footballspelerin. Se speelt in’t Middelfeld un siet 1998 in de Bundsliga vun de Fruen. Siet 2001 speel se ok för de düütsch Football-Natschonalmannschap.

Sportlich Loopbahn

Garefrekes fung 1986 mit dat Footballspelen an, tonächst in hör Heimatoort Steinbeck bi Grün-Weiß Steinbeck, denn bi de DJK Arminia Ibbenbüren. 1998 is se den nee grünnd Vereen FFC Heike Rheine bitreden. Mit Rheine muss se 1999 ut de Bundsliga afstiegen. Nah den direkten Upstieg weer se in jeder Saison de spoodriekst Doorschüttin vun hör Mannschap. An‘ 17. November 2001 hett se hör eerst Lännerspeel för Düütschland makt. Mit de Natschonalmannschap wurr se 2003 un 2007 Weltmeesterin, 2005 un 2009 Europameesterin. 2004 wurr se mit 26 Doren Dorschüttenkönigin in de Bundsliga. In dat sülvig Johr is se to’n 1. FFC Frankfurt wesselt un wunn mit de Natschonalmannschap de Bronzemedaille bi de Olympisch Spelen in Athen. Mit Frankfurt wurr se 2005 düütsch Meesterin un een Johr later Siegerin vun den UEFA Women’s Cup. Middlerwiel is Kerstin Garefrekes en vun de Slöötelspelerinnen vun de Natschonalmannschap un ok för de Weltmeesterschap 2011 up de rechte Offensivsiet sett. Nah de Weltmeesterschap hett se hör Karriere in de Düütsch Natschonalmannschap nah 130 Spelen un 43 Doren afslooten.

Weblenken

Kerstin Garefrekes. Mehr Biller, Videos oder Audiodateien to’t Thema gifft dat bi Wikimedia Commons.

Info-Siet vun den DFB
Saisonstatistik 2010/11 bi soccermagazin.de
Saisonstatistik 2009/10