Kinclaith

Kinclaith
Land	Schottland
Region	Lowlands
Tyyp	Malt
Status	stillleggt (1975)
Besitter	Whitbread
Grünnt	1957
Grünner	Seager & Evans & Co Ltd.
Waterborn	Loch Katrine
Washstill(s)	1
Spiritstill(s)	1

Kinclaith weer en Whisky-Brenneree in’n Strathclyde-Brennereekumplex, Glasgow, Schottland.

Historie

De Destille is 1957 dör de Seager, Evans & Co. Ltd. grünnt worrn un weer in de Hüüs vun de Strathclyde Grain-Destille boet. Man al 1975 is se wedder dichtmaakt worrn. De hele Anlaag is dorna an Whitbread verköfft worrn, de se afboet hett, üm mehr Ruum för de Grain-Brenneree to hebben.

De Whisky ut de Destille is rein för de Produkschoon vun Blend-Whiskys herstellt worrn, so dat dat dorvun keen Originalaffüllen gifft. Vun en poor unafhangige Affüllers gifft dat aver enkelte Affüllen. Vundaag is de Kumplex in Besitt vun de Allied Distillers.

Produkschoon

Kinclaith hett to dat schottischen Whiskyrebeet Lowlands höört. Dat Water för de Produkschoon stamm ut den Loch Katrine. In de Destille geev dat söss Gäärfatten (wash basks) ut Eddelstahl. Brennt weer in een wash still un een spirit still.

Kiek ok

• List vun de schottischen Brennereen