Klötenkanal

De Klötenkanals (Tubuli seminiferi) sünd de Steden binnen en Klööt, woneem bi’n Vörgang vun de Spermatogenees de Samenzellen, also de Spermien billt warrt. Vun dor warrt se wieter in den Saatleider transporteert.

Ümgeven sünd de Klötenkanals vun en Hüll ut Binngeweev un binnen in mit en Geweevsschicht utkleedt, de as Keemepithel betekent warrt. In disse Geweevsschicht entstaht de Spermien in en Riepvörgang, de mehrere Stopen ümfaat. In’t Keemepithel leegt ok de Sertoli-Zellen, de de Spermien nehrt. All Klötenkanals tosamen weern ruchweg 350 m lang.