Klaus-Dieter Sieloff

Klaus-Dieter Sieloff (* 27. Februar 1942 in Tilsit; † 13. Dezember 2011 in Stuttgart) weer en düütsch Footballspeler, de van 1964 bit 1971 all tosommen 14 Lännerspelen makt un dorbi 5 Doren schaaten hett. Mit den Vereen Borussia Mönchengladbach wunn he in de Johren 1970 un 1971 de Düütsch Footballmeesterschap un 1973 noch den DFB-Pokal.

Loopbahn

Sien Karriere fung bi Borussia Kiel (bit 1954) un FV Rottweil (1954–1959) an, bevör he 1959 in de Jöögd-Afdeelen vun den VfB Stuttgart keem. Dor keem he eerst in de Böverliga un nah Grünnen vun de Bundsliga ok dor to’n Insatz. Van 1963 bit 1969 hett Sieloff 141 Bundsligaspele för den VfB Stuttgart makt un dorbi 21 Doren schaaten.

In Stuttgart weer he all so good, dat he an’ 13. Mai 1964 sien eerst Lännerspeel maken kunn. Dat weer to glieker Tiet dat letzt Lännerspeel, bi dat Sepp Herberger Bundstrainer weer. Bit 1971 keem he up 14 Lännerspelen un hörr ok to de Weltmeesterschapsmannschapen 1966 und 1970, keem aber nich to’n Insatz.

1969 is he to Borussia Münchengladbach wesselt, för den he bit 1974 123 Bundsligaspelen makt hett und 5 Dorenn schatten hett. He kreeg denn aber immer Probleme mit de Achillessehn un so is he 1974 to Alemannia Aaken in de 2. Bundsliga wesselt. Dor keem he noch up 43 Spelen un dree Doren bit 1976 bevör he 1977 sien Loopbahn bi den Amateurligisten TSG Backnang utklingen leet.

Later hett he as Leiter vun de Bedrievsportafdeelen bi Mercedes-Benz in Untertürkheim arbeit un hett as Pensionär in Vaihingen wahnt. 2011 is he nah en lang swoor Krankheit storven .

Literatur

• Lorenz Knieriem/Hardy Grüne: Spielerlexikon 1890–1963, Agon-Verlag, 2006, ISBN 3-89784-148-7
• Werner Skrentny (Hrsg.): Als Morlock noch den Mondschein traf, Die Geschichte der Oberliga Süd 1945–1963, Klartext-Verlag, 1993, ISBN 3-88474-055-5
• Hardy Grüne: Mit dem Ring auf der Brust, Die Geschichte des VfB Stuttgart, Verlag Die Werkstatt, 2007, ISBN 978-3-89533-593-8
• Matthias Kropp: Deutschlands große Fußballmannschaften, Teil 5: Borussia Mönchengladbach, Agon-Verlag, 1994, ISBN 3-928562-39-8
• Raphael Keppel: Deutschlands Fußball-Länderspiele 1908–1989, Sport- und Spiel-Verlag Hitzel, Hürth, 1989, ISBN 3-9802172-4-8

Weblenken

• Klaus dieser Sieloff bi Fußballdaten.de
• Klaus Dieter Sieloff in de Datenbank vun Weltfußball.de
• Klaus-Dieter Sieloff bi borussia.de
• Klaus-Dieter Sieloff bi hefleswetzkick.de