Klaus-Groth-Sellschop

De Klaus-Groth-Sellschop (hoochdüütsch Klaus-Groth-Gesellschaft) is en Literatursellschop, de sik för de Pleeg vun Klaus Groth sien literaarsch Arv un de plattdüütsche Spraak insetten deit. Se hett eren Sitt in dat Klaus-Groth-Museum in Heid.

Grünnt worrn is de Sellschop op’n 1. Juni 1949. Elk Jaar deit de Sellschop eer Jaarsgaav ruutgeven, ene Tiedschrift, de blangen Upsätz un Warken to Groth, Groth sien Wark un plattdüütsche Themen allgemeen ook Gedichten un annern Kraam bringen deit.

Historie

Den 1. Juni 1949 is Klaus-Groth-Sellschop op Initschativ vun Heider Börger hen grünnd worrn. De Afsicht weer vun Beginn an dat mit Klaus-Groth-Museum in Heid tohoop to arbeiden, Klaus Groth sien Leven un Wark uptoarbeiden, to’n Bispeel mit nee’en kritschen Warkuutgaven.

Sied dat de Sellschop grünnd worrn is, richt de Klaus-Groth-Sellschop rund üm den 24. April, Groth sien Boordsdag, een maal dat Joor ene Klaus-Groth-Dagfaart uut mit Vördrägen to aktuellen Themen rund üm Groth un enen plattdüütschen Goddsdeenst in Heider St.-Jürgen-Kark.

Upgaven

De Sellschop befaat sik mit dat Wark un dat Leven vun Klaus Groth. Se versöcht man ook de aktuelle plattdüütsche Literatuur to föddern. Eng verbunnen mit de Sellschop is dat Klaus-Groth-Museum in Heid. Hier het de de Sellschop ook eren Sitt, ene Bökeree, bewaart Delen vun Grooth sienen Nalaat up un richt uut Leesavenden un Vöördrääg uut, de dat Leven waakholen schöölt.

Aktivitäten un Publikatschonen

In Heid richt de Sellschop jeed Jaar ene Dagfaart över Klaus-Groth uut un organiseert Kultuurevents so as Leesavenden un Konzerten. Jeden Maand givt dat enen Leeskrink, in den een plattdüütsch Wark leest warrt. Alle paar jaren richt de Sellschop Reisen an Öörd, wo Lüüd leven un warken, de Gorth inspireert hebbt, so as Fritz Reuter in Meklenborg, Robert Burns in Schottland oder Johann Peter Hebel in’n Markgräflerland.

De Jahresgabe der Klaus-Groth-Gesellschaft is dat Jaarbook vun de Sellschop, in dat Upsätz över Groth sien Leven un Wark as ook plattdüüsche Literatuur ruuchtbröcht warrt. De Sellschop bringt jümmers wedder nee’e aktuelle kritsche Uutgaven vun Gorth sienen Warken ruut un het 2007 den Dokumentaarfilm Klaus Groth - Ein Dichterleben ruutbrocht.

Vörsitters

• Friedrich Pauly
• Ivo Braak
• Reimer Bull
• Reinhard Goltz ( ?-2007)
• Heinz-Werner Arens (2007-2011)
• Bernd Rachuth (2011-2018)
• Robert Langhanke (sied 2018)

Weblenken

• Websteed to de Klaus-Groth-Sellschop (hoogdüütsch)