Kohbeek
| Kohbeek | |
|---|---|
| Laag | Neddersassen |
| Stroomsystem | Elv |
| Läng | 10,6 km |
| Afströömrebeed | 21,43[1] km² |
| Born | bi Woonst |
| Münn | bi Groot Meckels in de Oost |
| Waterkenntall | DE: 59816 |
| schippbor | - |
De Kohbeek (hoochdüütsch Kuhbach) is en 10,6 Kilometer langen[2] Beek, de von rechts in de Oost münnt.
De Kohbeek hett sien Born in’n Westen von Woonst bi Bockhorn. Dat is keen richtigen Born, de Beek spiest sik ut en Reeg Gravens. Von dor flütt he na Süüdwesten mit Lütt Wangersen, Hogenhusen un Lütt Ippens op dat rechte Över un Groot Ippens op dat linke Över.
De nächsten Öörd sünd Marschhorst un Langenfelden op dat rechte Över un Lütt Meckels op dat linke. De Bahnlien Wilst-Töst geiht dor över den Beek röver. Kort Stück later in Kohmöhlen is de Beek to en Möhlendiek opstaut. De Kohbeek hett dor fröher en Möhl andreven. Von Kohmöhlen bet na de Münn flütt de Kohbeek dör en Holt. Bi Groot Meckels münnt de Kohbeek denn in de Oost.
Dat Water in de Oost flütt denn wieder in de Elv un in de Noordsee.
Footnoten
ännern- ↑ Gewässergütebericht ELBE 2000 Niedersachsen.
- ↑ Michael Bergemann: Gesamtliste der Fließgewässer im Elbeeinzugsgebiet. 2012
Koordinaten:53° 17′ N, 9° 26′ O