Wapen/Flagg Koort
Wapen unbekannt
Kohmöhlen
Laag vun Kohmöhlen in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zittens
Gemeen: Groot Meckels
Inwahners:
Postleettall: 27419
Vörwahl: 04282
Geograafsche Laag:
Koordinaten:53° 18′ N, 9° 26′ O
53° 18′ N, 9° 26′ O

Karte

Kohmöhlen (hoochdüütsch Kuhmühlen) is en Oort in de Gemeen Groot Meckels (Samtgemeen Zittens), in’n Landkreis Rodenborg, Neddersassen.

Geografie ännern

De Naveröörd sünd Marschhorst in’n Noorden, Lütt Meckels in’n Noordoosten, Groot Meckels in’n Süüdoosten, Volkens in’n Süüdwesten un Freyersen un Weertzen in’n Westen.

Historie ännern

Al in dat 13. Johrhunnert is de Kohbeek to en 2,5 Hektar groten Möhlendiek opstaut un en Watermöhl boot worrn. 1456 hett de Familie Schult von de Lüh de Möhl köfft un hett dor ok en Waterborg anleggen laten. De Borg is in dat 19. Johrhunnert afreten worrn. Alexander von Schult hett dat Good denn verköpen müsst un de Kloosterkamer Hannover hett dat övernahmen. Dat is denn an de Familie Behrens verpacht worrn. In de Johren 1960 hett de Möhl denn dichtmaakt. Von 1977 bet 1994 weer in de Anlaag de Disko Dream Machine in. Vondaag is in de Möhl en Hotel un Restaurant ünnerbröcht.

Inwahnertall ännern

Johr Inwahners
1824-00-001824[1] 4 Füürsteden
1848-00-001848[2] 39 Lüüd, 4 Hüüs

Religion ännern

Kohmöhlen is evangeelsch-luthersch präägt un höört to de Dionysius-Kark in Zittens.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Infrastruktur ännern

Verkehr ännern

Kohmöhlen is över lüttjere Straten mit Marschhorst, mit de Landsstraat 142 un mit de Kreisstraat 123 verbunnen.

De Autobahn 1 (Afsnidd HamborgBremen) löppt in’n Süüdoosten in en Afstand von so bi dree Kilometer langs, de nächste Opfohrt is de Opfohrt 47 Zittens, de so 7,5 km weg is.

Fröher harr Kohmöhlen en lüttjen Bahnhoff an de Wilst-Zeven-Töster Bahnlien. Dor föhrt nu aver keen Tog mehr langs. Vondaag sünd de nächsten Bahnhööv in Töst, Lauenbrüch un Scheeßl an de Bahnlien Wanne-Eickel–Hamborg.

Footnoten ännern

  1. C. H. Jansen: Statistisches Handbuch des Königreichs Hannover. 1824, Sied 346: http://books.google.de/books?id=tG0AAAAAcAAJ&pg=PA346
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140

Weblenken ännern