Wapen/Flagg Koort

Wapen vun Korlshoawen

Korlshoawen
Laag vun Korlshoawen in Düütschland
Basisdaten
Bundsland: Hessen
Kreis: Landkreis Kassel
Flach: 14,85 km²
Inwahners: 4.047 (Dezember 2006)
Inwahnerdicht: 272,5 Inwahners pro km²
Hööchd: 151 m över de See
Postleettall: 34385
Vörwahl: 05672
Geograafsche Laag:
Koordinaten:51° 23′ N, 9° 16′ O
51° 23′ N, 9° 16′ O
Grenzen bi OSM: 1112227 1112227
Gemeenslötel: 06 6 33 002
Öörd in de Gemeen: 2 Stadtdelen
Börgermeester: Marcus Dittrich (sunner Partei)
Websteed: www.bad-karlshafen.de
Karte

Korlshoawen is ene lüttje Stadt in den Landkreis Kassel ganz in'n Noorden vun Hessen. Hüdigendags is dat en Kur- un en Baadstadt. De geiht över 14,85 km² hen un dor leevt bi 4.000 Inwahners. To düsse Stadt höört ok noch dat Dörp Helmarshusen, wat bit 1972 en sülvstännig Dörp weer.

Geografie ännern

Laag ännern

Korlshoawen liggt an de nöördliche Grenz vun Hessen, just in'n Süüdoosten vun dat Dreelännereck Neddersassen- Hessen- Noordrhien-Westfalen, twuschen den Solling in'n Noorden un den Reinhardswald in'n Süden. In Korlshoawen münnt de Diemel vun Süden her in de Werser.

Nabers ännern

Korlshoawen grenzt in'n Noorden an de gemeenfree Gemarken Solling, in'n Noordwesten an den Flecken Bodenfelde (beide in'n Landkreis Noordheim in Nedersassen), in'n Oosten an de gemeendefree Gemark Gutsbezirk Reinhardswald, in'n Süden an de Stadt Dringelborg (beide in den Landkreis Kassel) un in'n Westen an de Stadt Beverungen in den Landkreis Höxter in Noordrhien-Westfalen.

Historie ännern

 
Vörmalig Packhuus („Olet Raathuus“), 1715-18 boot, mit Haben vun den Landgraaf-Carl-Kanaal

Korlshoawen is in dat Johr 1699 vun Landgraaf Korl vun Hessen-Kassel grünnt wurrn. Dormols güng dat dor üm, den Landgraaf-Korl-Kanaal to boon. De Landgraaf vun Hessen woll üm den Toll in Hannobersch-Münnen ümto kamen un plaan, en nee Waterstraten vun de Werser bit hen na siene Residenzstadt Kassel un dor över hen bit na Marborg boon to laten. Ut düsse Plaans is man blooß to en lüttjen Deel wat wurrn. Anners güng dat ok nich mit de Plaans för de Stadt. De eersten Siedlers in düsse barocke „Plaanstadt“ weern franzöösche Hugenotten un Waldenser. De eerste Naam vun düsse nee grünnte Stadt weer an un for sik „Syburg“, man 1717 hett se den neen Naam „Corlshoawen“ kregen. Dat is nich ganz kloor, wer düsse Stadt in den Naam vun den Landgraven boot hett. Faken warrt seggt, dat weer de Böverhoffbomeester Paul du Ry ween, de ok de Kasseler Överneestadt plaant hett. Helmarshusen, wat an un for sik veel öller is, is hüdigendags en Stadtdeel vun Korlshoawen. Boven de ole Stadt up de annere Siet vun de Werser liggt de Goornstadt, de veel later anleggt wurrn is, dormit mehr Lüde dor wahnen kunnen.

1838 is en Born mit Water funnen wurrn, wat de Lüde gesund maken schall. Dor is Korlshoawen üm to en Kuroort wurrn. De Titel „Bad“ hett de Stadt denn 1977 kregen.

An'n 30. März 1848 is de Corlsbahn upmaakt wurrn. Dat weer en Bahnstreck vun 27,92 km, de vun Grebensteen över Hümme na Korlshoawen toföhren dö. Dat weer de eerste Iesenbahn in Hessen.

Inwahners ännern

  • 1885 = 1600 | 2901 tos. mit den Ortsdeel Helmarshusen
  • 1895 = 1724 | 3038 tos. mit den Ortsdeel Helmarshusen
  • 1939 = 2224 | 3565 tos. mit den Ortsdeel Helmarshusen
  • 1961 = 3031 | 4676 tos. mit den Ortsdeel Helmarshusen
  • 1970 = 2910 | 4674 tos. mit den Ortsdeel Helmarshusen
  • 2006 = | 4047 tos. mit den Ortsdeel Helmarshusen

Verkehr ännern

Korlshoawen is en Endpunkt vun de B 80 na Halle hen. In de Stadt münnt de B 80 in de B 83 in. De Ansluss an de A 7 liggt bi Hannobersch Münnen, wat bi 40 km wiet af is. De A 44 is just so wiet af. Dor kann een ok na den Flegerhaben Patterbuorn-Lippstadt henkamen.

Politik ännern

Stadtverordentenversammeln ännern

Bi de Kommunalwahl an'n 26. März 2006 is düt rutkamen:

Parteien un Wählergemeenschoppen %
2006
Sitten
2006
%
2001
Sitten
2001
CDU CDU 28,5 6 27,7 6
SPD SPD 42,4 10 50,0 12
FWG Freie Wählergemeenschop Korlshoawen-Helmarshusen 29,0 7 22,2 5
alltohopen 100,0 23 100,0 23
mitmaakt hefft in % 53,0 57,3

Partnerschoppen ännern

Korlshoawen is Partnerstadt vun

Spraak ännern

Ofschoonst Korlshoawen up düsse Siet vun de Benrather Linie in de Gegenden liggt, wo an un for sik Plattddütsch snackt wurrn is, is Platt in de Stadt bit todaag nich bruukt wurrn. Dat liggt woll dor an, dat de eersten Inwahners Flüchtlingen un Lüde ut annere Gegenden weern.

kiek ok bi ännern

Weblinks ännern