Krankenhuus Zeven
Dat Martin-Luther-Krankenhuus Zeven is dat Krankenhuus in de Stadt Zeven (Landkreis Rodenborg). Dat liggt in’n Noordoosten von de Stadt an de Dr.-Otto-Straat 2 un dicht bi de Au-Meh.
Bedreven warrt dat siet 2001 von de OsteMed Kliniken und Pflege.
Historie
ännernDat Krankenhuus is 1902 inricht worrn.
Dat Krankenhuus hett 90 Bedden. 2012 sünd dor dor so üm un bi 3800 Lüüd stationär un 10.000 ambulant behannelt worrn[1].
An’n 11. April 2018 hett de Kreisdag von’n Landkreis Rodenborg beslaten (42 Jo-Stimmen un 10 Nee-Stimmen), dat dat Krankenhuus to’n 31. Dezember 2018 dichtmaakt.[2] De Grund is, dat dat Krankenhuus lütt un nich good utlast is. Dorüm müss de Landkreis alleen von 2013 bet 2018 18 Milljonen Euro toscheten, üm de Verlusten wedder uttoglieken.[2] In de Gebüüd von dat Krankenhuus schall na dat Enn von dat statschonäre Krankenhuus en ambulant Gesundheitszentrum intehn.[2] De nächsten Krankenhüüs sünd denn dat Krankenhuus Bremervöör, dat von Zeven üm un bi 24 Kilometer in’n Noordwesten liggt un dat Krankenhuus Rodenborg üm un bi 28 Kilometer in’n Süüdoosten.
Literatur
ännern- Gudrun Kudick: 100 Jahre Krankenhaus Zeven: (1902 - 2002). Soziale Kompetenz vom Krankenhaus der Inneren Mission zum Martin-Luther-Krankenhaus und zur OsteMed. Zeller, 2002
Footnoten
ännernWeblenken
ännern- Websteed von dat Krankenhuus (hoochdütsch)
Koordinaten:53° 18′ N, 9° 17′ O