Krummendieker Wettern

De Krummendieker Wettern is en 8,06 Kilometer langen Waterloop in Keden in de Landkreise Stood un Cuxhoben, de güntsied den Snook in de Oost münnt.

Dat is keen natürlichen Waterloop. De Wettern is anleggt worrn, üm dat Water ut Delen von dat Rebeed von de Gemenen Krummendiek un Balje aftoföhren. Düt Rebeed liggt in de siede Masch von de Ünnerelv.

Dat Afströömrebeed is in’n Noorden begrenzt dör den olen Diek von de Elv, in’n Oosten dör de Straten Wegfährels/Ne’e Schossee un in’n Süden dör den Stratentog Hogenlucht un Wetterdiek bet na’n Bremer Stieg un denn na’n Seeweg. De Westgrenz liggt en Stück in’n Westen von’n Stratentog Bahnhoffstraat/Landstraat/Neenslüser Straat. Westlich dorvon geiht dat Water na dat Wisch-Fulenhöver Fleet. Dat Water in’n Noorden von’n olen Elvdiek flütt över’n süüdlichen Sielgraven af, in’n Oosten över dat Freebörger Slüsenfleet, in’n Süüdoosten över dat Wischhobener Slüsenfleet un in’n Süden över dat Neensee’er Slüsenfleet.

De Wettern föhrt also Water af ut düsse Öörd:

• von Krummendiek allens utbenahmen Stellenfleet, Schosseehoff un Kamp,
• von Balje de Öörd Bredendiek, Eggerkamp, Elvdiek-Oost, Baljerdörp, Hünkenbüttel, Süderdiek-Oost, Riddershusen, Rosenkranz,
• von Geversdörp de Öörd Wetterdiek, Portshemm, Olendecken un Neenslüüs.