Land Keden

Keden (hoochdüütsch Kehdingen) is dat Land an’e Süüdsiet vun’e Neddern Elv, vun Stood bet an dennen Hullen an de Münnen vun’e Oost.

Dat mehrste is Maschland, man höört ok ’n recht groot Deel Moorland to, dat Kedener Moor.

De Ünnerdelen von Noordkeden un Süüdkeden is all von ole Tieden her ween; tau wöör Noordkeden noch’n Eiland.

Dat lütt’ Land hett ’n bewegte Geschicht: na de Markgrafen vun Stood un jemehr Arger mit de Wikingers tümmeln sik dor de Arzbischop vun Bremen, de Sweedschen, de Däänschen, de Hannöberschen Welpen, Napoleon un denn de Preußen. Man de Kedeners leten sik ne so gau ünnerkriegen:

„§. 2. Ist demnach zu wissen/ daß die alten Kedinger Friesischer nation (…) und von den alten Sachsen herstammende (…) ihre Freyheit gleich anderen Friesen auffs äusserste verthädiget/ und so gar keines andern Oberhand oder Herrschafft haben leiden wollen/ daß sie nicht einmal das geistliche Joch ihres ordentlichen Landes=Herren ertragen könnten…“

Luneberg Mushard (Anno 1708)

Twüschendör harrn’s jümmer weller grote Stormfloten; in Sünnerheit de so benoomte „Wiehnachtsfloot vun 1717“ un de Februarfloot vun 1825. Opletzt güng bi de Stormfloot von 1962 dat Water över de Dieken.

Moi üm to weten

• In de Landsstrecke Tweante in Nedderlaund gaff et verscheidene Johrhunnerde her Drostambte (rechtefort sünd dat Gemeenden). Bi wat nu de Stadt Riessen is, gaff et dat Drostamt Kedingen.