Kumgang-Bargen
De Kumgang-Bargen (koreaansch 금강산 Kumgangsan, plattdüütsch Diamantbargen) sünd en Bargmassiv in Noordkorea. De Kumgang-Bargen sünd en Ünnerafdeel vun de Taebaek-Bargen. Se liggt in de Tourismusregion Kumgang-Bargen un hebbt disse Region ok den Naam geven. De Bargen reckt vun de Kant vun de Japaansche See bet 40 Kilometer in’t Binnenland. Se treckt sik över 60 Kilometer de Küst lang. De hööchste Barg is de 1638 Meter hoge Birobong.
| Kumgang-Bargen | ||
|---|---|---|
 | ||
| höögst Topp: | Birobong | |
| Hööchd: | 1.638 m över de See | |
| Land: | Noordkorea | |
| Kuntinent: | Asien | |
| Steen: | Granit un Diorit | |
| Koordinaten: | Koordinaten:38° 32′ N, 128° 3′ O38° 32′ N, 128° 3′ O | |
| ||
De Bargen bestaht vör allen ut Granit un Diorit, de dör lange Erosion temlich klüftig is un pittoreske Formen billt.
De Kumgang-Bargen weren lang en Zentrum vun’n Buddhismus in Korea. 1914 schall dat dor 40 Kloosters mit 443 Mönken un 85 Nonnen geven hebben.[1]
De Bargen warrt in dree Deelrebeden ünnerdeelt:
- Naekumgang (de binnern Diamantbargen): mit veel Natur, Planten un Deerten, warrt as „feminin“ opfaat; veel buddhistische Tempels un Klusen
- Oekumgang (de bütern Diamantbargen): temlich ruug un as „männlich“ opfaat, mit veel steile Bargspitzen
- Haekumgang (de Seediamantbargen) an de Küst vun dat Japaansche Meer
Weblenken
ännern
-
Ladschopsindruck -
-
Daal in de Bargen -
