Kurt Bauer (1900–1945)
Kurt Bauer (* 23. Oktober 1900 in Oberschöneweide; † 14. November 1945 in Ketschendorf) weer en düütschen Verwaltungsbeamten.
Bauer is 1900 in Oberschöneweide boren.[1] Na dat Abitur un den Militärdeenst hett he 1919 en Studium von de Juristeree an de Universitäten Griepswoold un Berlin anfungen.[1] 1922 hett he in Griepswoold sien Dr. jur. maakt..[1] 1923 is he as Börgermeester von Penkun in Vörpommern wählt worrn un weer dormit to de Tied de jüngste Verwaltungsbaas in dat Düütsche Riek.[1] 1925 hett he sik as Börgermeester in de Stadt Winsen beworven un is dor för twölv Johr wählt worrn.[1]
Bi de Wahlen 1933 weer he Kannedaat för den Natschonalen Middelstand, wat em in Kunflikt mit de NSDAP brocht hett.[1] Dorüm hett he sik op de Steed as Börgermeester in Schönebeck beworven un hett dit Amt 1934 övernahmen.[1] 1937 is he Maat von de NSDAP worrn.[1]
Nadem Schönebeck an’n 12. April 1945 von de Amerikaners innahmen worrn is, dröff Bauer Börgermeester blieven, ofschoonst he in de NSDAP weer.[1] Nadem aver de Stadt an de Sowjetunion övergeven worrn is, is Bauer an’n 10. Juli 1945 in Haft kamen, as he bi de sowjetsche Kummandantur gegen Verhaftungen dör de Rode Armee protesteert hett.[1] He keem in dat Speziallager Ketschendorf von’n NKWD.[1] Dor is he an’n 14. November 1945 an de Diphtherie storven.[1]
Literatur
ännern- Günther Hagen: Kurt Bauer. Ein Bericht von Günther Hagen. Winsener Hefte, ISBN 978-3-928788-56-4