Kurt Ernsting
Kurt Werner Ernsting (* 6. November 1929; † 7. Dezember 2011) weer en düütsch Ünnernehmer un Mäzen. He hett dat Textilünnernehmen Ernsting’s family grünnd.
Leben
ännernKurt Ernsting weer de Söhn vun den Textilünnernehmer Hugo Ernsting un is in Coesfeld upwussen. In’ Tweeten Weltkrieg hett he dör Flegerangreep sien Vader un sien Süster verloren un is sülvst swoor verwundt wurrn. Nahr den Krieg hett he eerrst in de Landwertschap arbeit, hett dornah aber dat Geschäft vun sien Öllern in Coesfeld weer upbaut. 1955 hett he sien Verlobte Elisabeth „Lilly“ Kleier heiraadt. Ut de Ehe gungen de Kinner Bernd, Margret, Stephan un Karin hervör.[1]
Den Grundsteen för dat latere Grootünnernehmen Ernsting’s family mit Hööftsitt in Coesfeld-Lette legg Kurt Ernsting 1967 mit de Eröffnung vun dat eerst „minipreis“-Geschäft in de Waschkööken vun sien Öllernhuus. He hett dorbi up Sülvstbedeenen in’ Textilhannel sett. Een Johr later hett he de „Minipreis Ernsting Handels-GmbH“ grünnd un fung an, so nah un nah en Filialkett uptobauen. 1972 wurr dat Ünnernehmen in „miniladen“ umnömmt. Sien endgültigen Naam Ernsting’s family kreeg dat Ünnernehmen 1990. A sück de Firmengrünner 2007 ut dat operativen Geschäft torüchtruck, hett he em anhollend expandeerend Ünnernehmen övergeven. 2010 mak dat Ünnernehmen mit rund 10.000 Mitarbeiter in 1600 Filialen en Johresümsatz vun 700 Million Euro.[2]
Wiet över Coesfeld herut weern de Ünnernehmer un sein Fru dorneben för hör sozial un kulturell Insetten, dat sück nich toletzt ut hör stark, christlich Grundinstellung begrünnen dee.[3]
Kurt Ernsting is an’ 7. Dezember 2011 nah en lang swoor Krankheit storven
Literatur
ännern- Jürgen Stilling: Unternehmer mit viel Gemeinsinn. Coesfelder Kurt Ernsting starb 82-jährig. In: Westfälische Nachrichten vom 8. Dezember 2011 (Online-Faaten ünner den Titel Kurt Ernsting gestorben. Coesfelder Textilunternehmer gründete Ernsting's family vom 7. Dezember 2011)
Weblenken
ännern- DNB-Katalog
- Personennaamdatei
- Mario Brück: Auf Wanderwegen. In: Wirtschaftswoche, Online-Faaten van’ 6. April 2006
Enkeld Nahwiesen
ännern- ↑ Mario Brück: Auf Wanderwegen. In: Wirtschaftswoche, Online-Faaten van’ 6. April 2006; afroopen an’ 8. Dezember 2011
- ↑ Jürgen Stilling: Unternehmer mit viel Gemeinsinn. Coesfelder Kurt Ernsting starb 82-jährig. In: Westfälische Nachrichten vom 8. Dezember 2011 (Online-Faaten ünner den Titel Kurt Ernsting gestorben. Coesfelder Textilunternehmer gründete Ernsting's family van’ 7. Dezember 2011)
- ↑ Leidenschaft für Innovation – Reed vun Börgermeester Heinz Öhmann to dat Verlehen vun de Ehrenbörgerwürde an Elisabeth un Kurt Ernsting 2007; afroopen an’ 8. Dezember 2011