Laid Back

Laid Back sünd en däänsch Popduo. Dat is 1979 vun de Keyboarder Tim Stahl un de Gitarrist John Guldberg grünnd wurrn. Hör gröttsten Spood harrn se in de 1980er un fröhen 1990er Johren mit en begäng Mischung ut Synthie Pop, Funk- un Reggaeelementen.

Werdegang

Maybe I'm Crazy weer hör eerst Hit in hör Heimat Däänmark. Den Dörbröök in Europa un Süüdamerika hebbt Laid Back 1983 mit de Single Sunshine Reggae schafft. Alleen in Düütschland hull sück dat Leed in’ September un Oktober söss Week an de Spitz vun de Charts. In de USA leep dat Leed överhoopt nich, aber de B-Siet White Horse, en tegen Drogen richt Leed mit en eingängig Basslinie, wurr in de Clubs en Hit. Mit de Hülp vun Prince kunnen Laid Back ok hör internatschonal Profil verbetern.

Wat weniger Spood harr de Nahfolgesingle High Society Girl, de aber tominst för en Week in Düütschland ünner de Top Ten stunn.

Dornah wurr dat en paar Johr temelk still um dat Duo. Eerst 1989 keemen de beid weer in de Hitlisten mit dat Leed Bakerman. In Düütschland keem de Single in’ Januar 1990 up Platz 9 in de Charts un in’ Mai 1990 keem dat Duo mit dat Leed ok eerstmals in de britsch Single-Charts. Neben de Melodie keem de Single ok dat dortogehörig Musikvideo to good, dat de beid bi’t Fallschirmspringen wiesen dee, bi de se to glieker Tiet ok hör Musikinstrumente spelen deen. Speelbaas vun dat Video weer Lars von Trier.

Eenig Tosommenstellungen vun hör gröttste Hits keemen 1995 (Greastest And Laidest) un 1999 (Sunshine Reggae) rut. 2000 nehm dat Duo sien eerst Hit noch eenmal up.

2001 hebbtStahl un Guldberg an de Soundtrack för de Speelfilm Flyvende Farmor vun de Speelbaas’ Steen Rasmussen un Michael Wikke arbeidt. För disse Arbeit hebbt se den Robert, den renommeertsten Filmpries in Däänmark, kregen.

2006 hett den engelschen DJ Shaun Baker den Titel "Bakerman" tosommen mit Laid Back ok noch mol upnommen.

Diskografie

• Laid Back (1981)
• Keep Smiling (1983)
• Play It Straight (1985)
• See You in the Lobby (1987)
• Hole in the Sky (1990)
• Why Is Everybody in Such a Hurry (1993)
• Greatest And Laidest(Greatest Hits & More) (1995)
• Sunshine Reggae (Ariola) (1999)
• Unfinished Symphonies (1999)
• Happy Dreamer (2005)
• Good Vibes The Very Best Of (2008)

Weblenken

• Laid Back
• Laid Back in de Internet Movie Database (engelsch)
• Laid Back in de Internet Movie Database (engelsch)