Leif-Erikson-Dag

De Leif-Erikson-Dag is en natschonalen Gedenkdag in de USA. He warrt elk Johr an’n 9. Oktober to Ehren vun Leif Erikson fiert, de de eerste Europäer weer, de sien Foot op amerikaanschen Bodden sett hett, un all de Inwannerers na Amerika ut de noordschen Lannen.

En Statue vun Leif Erikson bi dat Minnesota State Capitol in St. Paul, opstellt an’n 9. Oktober 1949

Wisconsin weer 1930 de eerste Bundsstaat vun de USA, de den Fierdag goodkennt hett. In’n Noorden Middelwesten hett sik en temlich grote Grupp vun Skandinaviers dallaten. Den Bidrag vun disse Lüüd to ehren, hett sik Rasmus B. Anderson insett, dat dat en Fierdag för jem geven schull. 1931 hett ok Minnesota den Leif-Erikson-Dag as Gedenkdag annahmen. 1963 hett de Kongress-Afornte John Blatnik den Andrag stellt, dat de Leif-Erikson-Dag in de ganze USA en Gedenkdag warrn schull. 1964 hett de Kongress dissen Andrag annahmen. Sietdem hett Präsident Lyndon B. Johnson un all siene Opfolgers elk Johr an’n 9. Oktober en Bekanntmakung to dissen Dag rutgeven.

De 9. Oktober is de Dag, an den mit dat Schipp Restauration an’n 9. Oktober 1825 dat eerste Maal en gröttere organiseerte Grupp vun skandinaavsche Inwannerers vun Stavanger na Nee York kamen is.