Lilienthal (Süüdafrika)
Lilienthal is en lütten Oort in de Gemeen uMshwathi in de Provinz KwaZulu-Natal, Süüdafrika.
De nächsten Öörd von Lilienthal ut sünd Noodsberg, Dalton un Cool Air in’n Süüdwesten. Pietermaritzburg liggt üm un bi 50 Kilometer wied weg in’n Süüdwesten.
Historie ännern
Dat Rebeed von Lilienthal is in dat 19. Johrhunnert von Düütsche ut dat Königriek Hannover besiedelt worrn. De Siedlers hebbt keen Dörper grünnt, dat weren allens enkelte Farmen, de wied uteneen legen.
De Farmen hebbt keen Eenheit billt un hebbt to dree verscheden Karkengemenen tohöört, de aver all wieder weg weren. Dorüm hebbt sik de düütschen Farmers von acht Farmen tohoopdaan un sik 1898 to en ne’e Karkengemeen tohoopslaten. Düsse evangeelsch-luthersche Karkengemeen hett den Naam St. Johannes Lilienthal (op engelsch St. John) kregen. De Kark höört to de Fre’e Evangeelsch-Luthersche Synood in Süüdafrika.
Worüm de Oort den Naam Lilienthal kregen hett, dor gifft dat en Geschicht to: de Timmermann Schütte wull, dat de Karkengemeen na siene Heimaatstadt den Naam Bremen kriggt. De Farmer Rosenbrock wull de Karkengemeen aver na sien Heimaatoort Tarmst den Naam Tarmstedt geven. As Kumpromiss hebbt se de Karkengemeen denn na’n Oort Leendaal nöömt, de op halven Weg twüschen Tarmst un Bremen liggt.[1]
1926 is en ne’e Kark boot worrn, de an’n 27. Juli 1927 inwieht warrn kunn. Den Halvdeel von de Bokösten hett de Gustav-Adolf-Vereen övernahmen, den Rest de Farmers sülvs. De Farmers müssen all 2000 Rand afbetahlen. De ole Kark is denn as School bruukt worrn. Na Pastoor Deppe harr de Karkengemeen 1936 en Ümfang von 40 Familien.[1]
Footnoten ännern
Koordinaten:29° 19′ S, 30° 42′ O