Lisel Alamilla
Lisel Alamilla (faken ok Liselle schreven; * 5. September 1967 in Belize-Stadt) is en Ümweltschützerin un Politikerin ut Belize (UDP).
Leven, Beroop un Politik ännern
Alamilla is 1967 as Dochter von Maclovio Alamilla un Rose Magda Alamilla in Belize-Stadt boren. Opwussen is se in Belize-Stadt un Benque Viejo del Carmen. Na School güng se in Belize-Stadt op dat St. John’s College un de Saint Catherine’s Academy. Se hett 1993 en Bachelor an de Northeastern Illinois University un 1995 en Master in Ümwelt-Soziaalwetenschoppen (Conservation Social Science) an dat College of Natural Resources von de Universität von Idaho maakt.[1]
Alamilla hett as Landsdirektersche för Belize bi Fauna and Flora International arbeidt. Von 2008 bet 2012 weer se Geschäftsföhrerin von’n Ya’axché Conservation Trust in Belize.
2012 hett Premierminister Dean Barrow ehr in’n Senaat un in dat Kabinett Barrow II beropen, wo se von’n 9. März 2012 bet 9. November 2015 Ministerin för Forsten, Fischeree, Nahöllern Entwicklung un Indigene Völker weer.
Nadem se in’n November 2015 ehren Posten as Ministerin afgeven hett, hett Alamilla dat Leid över de Toledo Maya Land Rights Commission övernahmen, de sik för Landrechten von de Maya in’n Distrikt Toledo in’n Süden von Belize insett un de to de Tied jüst nee grünnt worrn is.
Ehren ännern
2012 hett Alamilla en Whitley Award kregen un 2010 den Marsh Award for Terrestrial Conservation Leadership.[1]
Footnoten ännern
- ↑ a b Lisel Alamilla to receive University of Idaho International Alumni Achievement Award, San Pedro Sun an’n 18. April 2013
1989–1993: Glenn Godfrey | 1993–1998: Henry Young | 1998–2004: Johnny Briceño | 2004: Juan Vildo Marin | 2004–2007: Johnny Briceño | 2007–2008: Florencio Marin Sr. | 2008–2012: Gaspar Vega | 2012–2015: Lisel Alamilla | 2015–2016: Gaspar Vega | 2016–: Godwin Hulse