Loodkup
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21635 | |
| Vörwahl: | 04162 | |
| Geograafsche Laag: | Koordinaten:53° 31′ N, 9° 40′ O53° 31′ N, 9° 40′ O | |
|
| ||
Loodkup (hoochdüütsch Ladekop) is en Dörp in de Gemeen Jörk in’n Landkreis Stood, Neddersassen. To Loodkup höört ok de Oort Achterdiek to.
Geografie Ännern
Loodkup liggt as Stratendörp in de Masch von Oolland (twete Miel).
De Naveröörd sünd Jörk in’n Noorden, Eestbrügg in’n Oosten, Neeland in’n Süüdoosten, Dammhusen in’n Süden, Hornborg in’n Süüdwesten, Neekark in’n Westen un Mittelskark in’n Noordwesten.
Historie Ännern
Loodkup is in de Tied von de Hollerkolonisation grünnt worrn un is een von de -koop-Öörd.
De Oort weer vör 1885 Deel von dat Amt Jörk un weer denn in’n Kreis Jörk. 1932 is dat an’n Landkreis Stood kamen.
Loodkup is mit de Gemeenreform in Neddersassen an’n 1. Juli 1972 Deel von de Gemeen Jörk worrn.
In’n Eersten Weltkrieg sünd 33 Soldaten ut Loodkup fullen oder vermisst un in’n Tweten 57[1].
Inwahnertall Ännern
| Johr | Inwahners |
|---|---|
| 1824[2] | 114 Füürsteden |
| 1848[3] | 821 Lüüd, 135 Hüüs |
| 1. Dezember 1910[4] | 626 |
| 1925[5] | 617 |
| 1933[5] | 593 |
| 1939[5] | 583 |
Börgermeesters Ännern
- -30. Juni 1972: Hinrich zum Felde[6]
Religion Ännern
Loodkup is evangeelsch-luthersch präägt un höört to dat Kaspel von de Matthias-Kark in Jörk.
Kultur Ännern
En Denkmaal för de Fullenen ut Loodkup un Jörk ut de twee Weltkrieg’ steiht op’n Karkhoff Jörkerfell.
Verenen Ännern
De Schüttenvereen Loodkup, Achterdiek un Ümgegend is 1951 grünnt worrn.
Weertschop un Infrastruktur Ännern
De Freewillige Füürwehr hett sik in’n November 1934 grünnt, vördem harr dat al en Plichtfüürwehr geven.
Verkehr Ännern
Loodkup liggt an Kreisstraat 38, de över Westerloodkup un Achterdiek in’n Noordwesten an de Landsstraat 140 an’t Westenn von Westerjörk ranlöppt. An de Grenz von Wester- un Ooster-Loodkup löppt de K 26 langs, de in’n Noorden na Jörk un wieder na Bossel löppt un in’n Süden Dammhusen un Neeklooster.
De nächste Bahnhoff is söven Kilometer in’n Süden de Bahnhoff Buxthu an de Nedderelvbahn von Cuxhoben na Hamborg. Mit fiev Kilometer in’n Süüdwesten noch dichter bi is de de Bahnhoff Neeklooster, an den de Lien S3 von de S-Bahn Hamborg höllt.
Scholen Ännern
In Loodkup gifft dat en Butensteed von de Grundschool Jörk un en Kinnergoorn.
Ver- un Entsorgung Ännern
För dat Afwater is de Afwaterverband Oolland un Geestrand mit dat Klärwark Wetterndörp tostännig.
Literatur Ännern
- Hans Peter Siemens: Borstel, Jork, Ladekop: ein Stück Altländer Siedlungskunde. 1958
Footnoten Ännern
- ↑ http://www.denkmalprojekt.org/dkm_deutschland/friedhof_jorkerfelde_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 350: http://books.google.de/books?id=tG0AAAAAcAAJ&pg=PA350
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 143: http://books.google.de/books?id=eOI-AAAAcAAJ&pg=PA143
- ↑ http://www.gemeindeverzeichnis.de/gem1900/gem1900.htm?hannover/jork.htm
- ↑ a b c http://www.verwaltungsgeschichte.de/jork.html
- ↑ Gebietsänderungsvertrag vom 20. Juni 1972
