Bahnhoff Buxthu
De Bahnhoff Buxthu is en Bahnhoff mit de Bahnhoffskategorie 3 un dree Gleise in de Stadt Buxthu. De Bahnhoff liggt an de Nedderelvbahn, de ut Hamborg kummt un na Cuxhoben geiht. De Bahnhoff höört to’n HVV.
He liggt in’n Süüdwesten von de Binnenstadt an de Stader Straat (K 39) in’n Süden un de Giselbertstraat in’n Noorden.
Historie ännern
1881 hett de Nedderelvbahn apenmaakt, de von Horborg na Cuxhoben geiht. Dor is denn ok de eerste Bahnhoff mit Bahnhoffsgebüüd boot worrn. De Bahnverkehr in Buxthu hett an’n 1. April 1881 anfungen.
1928 is denn noch de Bahnlien Buxthu–Harsfeld boot worrn (de vondaag Deel von de Bahnlien Bremerhoben–Buxthu is). Apenmaakt hett disse Bahnlien an’n 22. Dezember 1928. De Personenverkehr twüschen Buxthu un Harsfeld is to’n 31. Mai 1969 wedder instellt worrn. Nadem de Iesenbahnen un Verkehrsbedrieven Elv-Werser (EVB) 1993 mit de Buxthu-Harsfeller Iesenbahn tohoopgahn is, hett de EVB an’n 26. September 1993 sien Fohrplaan ümstellt. Vörher sünd se von Bremerhoben na Stood föhrt. Nu kunnen se von Bremerhoben över Buxthu direkt na Neegraven (mit Ansluss an de Lien S3 von de S-Bahn Hamborg) föhren. Nadem de Lien S3 to’n Winterfohrplaan 2007/2008 bet na Stood verlängert worrn is, is de EVB nich mehr bet na Neegraven föhrt. Dat Enn von de Lien (mit Övergang na de S3) weer nu Buxthu.
För de S-Bahn is de Bahnhoff 2007 ümboot un moderniseert worrn. De Bahnhoff hett ne’e Bahnstieg’ kregen un de Stadtwarken Buxthu hebbt en Busbahnhoff un en Park+Ride-Anlaag boot. De olen Bahnstieg’ harrn all en 30 Zentimeter hoge Kant. Bi de Boarbeiden is Bahnstieg 4 deelt worrn. Bahnstieg 4a is nu för de S-Bahn dor, Bahnstieg 4b för de EVB na Bremerhoben. De Bahnstieg’ 1, 2 un 4b sünd höger maakt worrn op 76 Zentimeter, de Bahnstieg 4a op 96 Zentimeter.[1]
De Afkörten in dat Bahnamtliche Betriebsstellenverzeichnis is ABX[2] un de Internatschonale Bahnhoffsnummer 616406.
Gleis 1 hett en Siedenbahnstieg, Gleis 2 un 4 hebbt en Middelbahnstieg. De Park&Ride-Anlaag hett 250 Parkplätz för Autos un de Bike&Ride-Stellplatz üm un bi 500 Plätz för Fohrrääd.[3]
Stellwarken ännern
Dat hett in Buxthu dree Stellwarken geven. Dat eerste is al 1960 dichtmaakt worrn. De anneren twee sünd denn 1987 tohoopleggt worrn. Ok düt Stellwark besteiht nu nich mehr. Vondaag warrt allens ut dat Stellwark in Neegraven feernstüürt.[4]
Bahnövergang ännern
Fröher hett dat en Bahnövergang direkt an’n Bahnhoff twüschen Bahnhoffstraat un Stoder Straat geven. As in dat 20. Johrhunnert de Autoverkehr jümmer mehr tonahmen hett un de Nedderelvbahn ahn Bahnövergang quert warrn schull, is von 1983 bet 1987 de Ellerbrooktunnel anleggt worrn, de de ole Stoder Straat (fröher Deel von de Bundsstraat 73) mit de nee anleggte Hansestraat un de Konrad-Adenauer-Allee verbinnen deit.[5]
Personenverkehr ännern
| Bedriever | Öörd | KBS | Takt |
|---|---|---|---|
| DB Regio | Cuxhoben – Oterndörp – Kumbarg – Wingst – Hemmoor – Heckthusen – Himmelpoorten – Hammoh – Stood – Hornborg – Buxthu – Hamborg-Horborg – Hamborg Hauptbahnhoff | KBS 121 | elk Stünn |
| EVB | Buxthu – Obbens – Ruschwedel – Harsfeld – Bargst – Brest-Aasp – Kutenhult – Heesdörp – Bremervöör – Örel – Op de Hööv – Frellsdorp – Geestenseth – Wehdel – Sellst – Wulsdörp – Bremerhoben Hauptbahnhoff | KBS 122 | elk Stünn |
S-Bahn Hamborg ännern
| Lien | Verloop |
|---|---|
 |
Pinnbarg – Theesdörp – Halstenbeek – Kruupunner – Elbgaustraat – Eidelstedt – Stellingen – Langenfelde – Diebsteich – Altno – Königstraat – Reeperbahn – Lannungsbrüggen – Stadthuusbrügg – Jumfernstieg – Hauptbahnhoff – Hammerbrook (City Süüd) – (plaant: Elvbrüggen –) Veddel (BallinStadt) – Willemsborg – Horborg – Horborg Raadhuus – Heimfeld – Neewiedendaal – Neegraven – Fischbeek – Vosshusen – Buxthu – Neeklooster – Hornborg – Dollern – Gothenborg – Stood |
Footnoten ännern
- ↑ http://www.niederelbe-s-bahn.de/html/buxtehude.html
- ↑ Übersicht der Betriebsstellen und deren Abkürzungen aus der Richtlinie 100, dbnetze.com
- ↑ Bahnhoff Buxthu bi evb.de
- ↑ Franziska Felsch: Bahnhof Buxtehude: Vom Vorzeige-Objekt zum Schandfleck, Stader Tageblatt an’n 22. September 2019
- ↑ Als der Buxtehuder Bahnhof noch Schranken hatte, Stader Tageblatt an’n 11. Februar 2018
Weblenken ännern
Koordinaten:53° 28′ N, 9° 41′ O