Ludwig Lessing

Ludwig Lessing (* 1859; †) weer en düütschen Verwaltungsbeamten.

Lessing is 1859 boren un weer op de Volks- un Börgerschool in Königswinter un denn op dat Königliche Gymnasium in Bonn. Dor hett he 1881 dat Abitur maakt un denn Juristeree an de Universität Straßborg studeert. He weer gliektiedig Eenjöhrig-Freewilligen bi dat 1. Rhiensche Infanterieregiment. De veer Semesters dorna weer he an de Universität Bonn, denn an de Universität Berlin un wedder in Bonn.

He weer Regerungsassesser un bet 1. Oktober 1891 bi de Regerung in Ossenbrügge, denn Hülpsarbeider bi dat Landraadsamt von’n Kreis Siegburg.

He is an’n 10. Juni 1895 as Nafolger von Bernhard Hüger toeerst kommissarsch, 1896 denn richtigen Landraad von’n Kreis Zeven worrn un dat bet 1900 bleven. Em aflööst hett Karl von Hammerstein-Gesmold.

Lessing is 1900 denn as Regerungsraad na de Regerung in Ossenbrügge wesselt.

An’n 21. Mai 1892 hett Lessing Luise Gosling (* 1871) freet. De beiden hebbt acht Kinner hatt.