Lutz Ackermann (Moderator)

Lutz Ackermann (* 29. April 1945 in Braak) is en düütsch Journalist as ok Rundfunk- un Feernsehmoderator.

Leven

Ackermann hett Germanistik, Anglistik un Kunstgeschichte in Hamborg un Kiel studeert. Siet 1969 arbeit he bi den NDR as Berichterstatter, Redakteur un Moderator.

1985 hett he de düütsch Feernseh-Utgaav vun dat weltwiet utstrahlt „Live Aid“-Konzert modereert. Van 1988 bit 1989 präsenteer he de Saterdagavendshow Euro-Paare in dat ARD-Feernsehen. Siet 1997 modereert he regelmatig de Musiksennen „Das große Wunschkonzert“ in' NDR-Feernsehen.

Van 1989 bit 1993 weer he Musikchef vun NDR 2 un hett dornah van 1993 bit 2009 de Afdeelen Musik un Ünnerhollen vun NDR 1 Niedersachsen leit. Bi NDR 2 weer he Moderator vun de Sennen „Der Club“, „NDR 2 am Vormittag“, „Plattenkiste“ un „Espresso“. Sien Musik-Sennen „Sweet, soft and lazy“ modereer he tonächst bi NDR 2, denn bi NDR 1 Niedersachsen un af März 2012 bi den Hamborger Regionalsenner NDR 90,3.

Siet 1973 trett Ackermann ok as Bühnen-Präsentator un Talkmaster up.

Ünner den Titel „Der Spruch des Tages“ hett Ackermann negen verscheeden Böker mit Sammlungen vun Aphorismen un Spröök herutgeven un gemeensam mit Michael Thürnau en Book mit den Titel „Witze“.

Ackermann is ok künstlerisch tätig un wiest sien Acryl-Gemälde un Collagen up Utstellungen in Noorddüütschland.

Aktuell modereert he in' NDR verscheeden Slager-Musikshows.

Utteknungen

2000 – Priesdräger vun den Medienpries „Rundfunk“ vun de Arbeitsgemeenschap vun düütsch Slager un Volksmusik (ADS) (ut de Laudatio: „Durch seine Musikauswahl, die hauptsächlich vom deutschen Schlager und von der deutschsprachigen Volksmusik bestimmt wird, präsentiert der NDR 1 das erfolgreichste Programm im Norden.“)

Weblenken

Lutz Ackermann (Moderator) in de Internet Movie Database (hoochdüütsch)
Ackermann sien Profil bi den NDR (hoochdüütsch)
Ackermann sien Websteed (hoochdüütsch)