Filmdaten
Plattdüütsch Titel:
Originaltitel: Männerpension
Düütsch Titel: Männerpension
Produkschoonsland: Düütschland
Johr vun’t Rutkamen: 1996
Läng: 96 Minuten
Originalspraak: Düütsch
Öllersfreegaav in Düütschland: FSK 12
Filmkru
Speelbaas: Detlev Buck
Dreihbook: Detlev Buck
Eckhard Theophil
Produkschoon: Claus Boje
Musik: Detlef Petersen
Kamera: Slawomir Idziak
Snitt: Peter R. Adam
Szenenbild: Agi Ariunsaichan Dawaachu
Kledaasch: Dorothee Kriener
Dorstellers

Männerpension (op Platt so veel as „Harbarg för Mannslüüd“; int. Titel Jailbirds) is de Titel vun en düütsche Filmkummedie ut dat Johr 1996. Speelbaas weer Detlev Buck, de in den Film ok een vun de Hööftrullen speelt un an dat Dreihbook mitschreven hett.

Inholt ännern

Steinbock un Hamer-Gerd sünd twee middeljunge Lüüd, de sik vör allen dör en grove un ruge Oort uttekent un to Tiet in en Gefängnis in Haft sitt. De Baas vun de Anstalt, Dr. Fazetti, will in sien Gefängnis en ne’e Methood utprobeeren, de Fangenen wedder in de Sellschop torüchtobringen: Ünner Opsicht vun Fronslüüd drööft de Fangenen för een Week Hafturlaub maken, wenn de Fronslüüd jem opnehmen doot. Ok Hamer-Gerd un Steinbock laat sik in dat Programm opnehmen.

Wiel Hamer-Gerd mit sien Fro nix anfangen kann un mit ehr en Hannel maakt, dat se so deit as dat se em opnimmt, kummt Steinbock so licht nich dorvun. Sien todeelte Fro, Emilia Bauer, stellt sik as resolute, sture Person rut, de sik vun em nich so licht beindrucken lett. Ofschoonst sik Steinbock bi ehr teemlich dorneven benehmen deit, seggt se aver denn doch to, em för de Week optonehmen. Tosamen maakt se sik op’n Weg in de Freeheit. Op’n Weg na jemehr Heemstatt för de Weg leest se de junge smucke Maren op, de Singersche warrn will. Steinbock will sik foorts ’n beten plump mit ehr vergnögen un hollt sik’n Korf, man Gerd verkiekt sik in ehr und versöcht ehr den Hoff to maken.

Wiel Gerd sien Maren jümmer meger kummt, dreiht Steinbock för sien Opa sogor noch en krumm Ding, wat aver nich henhaut. Liekers verkiekt ok he sik in sien Gastgeversche, mutt aver jümmers wedder faststellen, dat Emilia sik vun em nich eenfack so üm’m Finger wickeln kann. Na eenige Aventüers un Kumplikatschonen – ünner annern knallt Gerd en Barbesitter över’n Hopen, as de sik över Maren lustig maakt – geiht dat för beide torüch in’n Knast, för Gerd natüürlich al wat eher. Natürlich mööt beide jemehr Straaf eerstmol afsitten – Gerd natürlich wat länger – man opletzt is en Happy End tomindst in Utsicht.

Kritiken ännern

  • Epd Film (Utgaav 2/1996): Detlev Buck pfeift auf die Realität und kreiert seine eigene, unnachahmliche Kinowelt. Männerpension strotzt vor verblüffenden visuellen Operationen, man sieht, wieviel Wert der Regisseur auf das Filmische legt, wie er in Bildern denkt und nicht bloß in Dialogen.
  • TV-Spielfilm: "Witzig-lakonisches Männer-Märchen"

Utteken ännern

De Film is mit veer Filmpriesen uttekent worrn:

  • 1996: mit den Bambi in de Kategorie Film – Natschonal för Detlev Buck
  • 1996: mit den Bayerischen Filmpries in de Kategorie Beste Nawassschauspelersche för Heike Makatsch
  • 1996: mit de Goldene Lienwand
  • 1997: mit den Jupiter in de Kategorie Best düütsche Film

Weblenken ännern