Mónica Puig

Mónica Puig (* 27. September 1993 in San Juan) is en puerto-ricaansch Tennisspelerin. Hör bitlang gröttste Spood is de Gewinn vun de Goldmedaille bi de Olympisch Sömmerspelen 2016 in Rio de Janeiro.

Karriere

Puig, de in dat Öller vun söss Johren mit dat Tennisspelen anfung, speelt an‘ leevsten up Hartplatz. Se wunn bi ITF-Turnieren bitlang söss Eenzeltitel. 2010 wunn se bi de Zentraalamerika- un Karibikspelen in Mayagüez de Goldmedaille in’t Eenzel.^[1]

Bi de French Open stunn se 2013 eerstmals in dat Hööftfeld vun en Grand-Slam-Turnier. Dor keem se glieks bit in de darte Runn vör. Noch beter leep dat för hör in Wimbledon, wo se nah Siegen över Sara Errani, Sílvia Soler Espinosa un Eva Birnerová eerst in dat Achtelfinale gegen de an Nummer 17 sett Sloane Stephens utscheeden dee.

In‘ Mai 2014 wunn se in Straßburg mit en Endspeelsieg över Sílvia Soler Espinosa hör eerst un bitlang eenzigen WTA-Titel.

An‘ 13. August 2016 wunn Puig den Eenzelwettbewarf bi de Olympisch Sömmerspelen in Rio de Janeiro gegen Angelique Kerber mit 6:4, 4:6 un 6:1 un hal dormit ok de eerste olympisch Goldmedaille för hör Land överhoopt.

Siet 2008 keem se todem ok för de puerto-ricaansch Fed-Cup-Mannschap to’n Insatz; vun hör insgesamt 36 Partien kunn se 24 winnen (Eenzelbilanz 16:5).

Hör best Platzeeren in de Tennis-Weltranglist weer Rang 33 (Juli 2016) in’t Eenzel.

Turniersiege

Eenzel

Nr.	Datum	Turnier	Kategorie	Belag	Finalgegnerin	Ergevnis
1.	24. Mai 2014	Straßburg	WTA International	Sand	Silvia Soler Espinosa	6:4, 6:3
2.	13. August 2016	Rio de Janeiro	Olympisch Spelen	Hartplatz	Angelique Kerber	6:4, 4:6, 6:1

Afsnieden bi Grand-Slam-Turnieren

Eenzel

Turnier	2013	2014	2015	2016	Karriere
Australian Open	—	2	2	3	3
French Open	3	1	1	3	3
Wimbledon	AF	1	1	1	AF
US Open	1	2	1		2

Weblenken

Mónica Puig. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

↑ [1]

[1] [1]

[1]