Angelique Kerber

düütsche Tennisspelersche

Angelique Kerber (* 18. Januar 1988 in Bremen) is en düütsch Tennisspelerin. Se speelt siet 2003 up de Profitour un in de Tennis-Bundsliga för den TC Radolfzell. Kerber hett neben de düütsch ok noch de poolsch Staatsbörgerschap. To Tiet (2012) wahnt se in Kiel. Hör bit nu gröttste Erfolge as Eenzelspelerin reck se 2016, as se bi de Australian Open un bi de US Open winnen dee un bi de Olympiasch Spelen de Sülvermedaille halen kunn. Af 12. September 2016 övernimmt Kerber de Führung in de Weltranglist.

Angelique Kerber 2014 in Tokio

Leven ännern

Kerber speelt siet hör dart Levensjohr Tennis un wurr eerst vun hör Vader Slawomir traineert, aber eerst as se hör Realschoolafsluss harr, hett se sück dorför entscheedt, Tennisprofi to wurrn. Dat Angebot, för Polen to spelen, hett se aflehnt, wat hör in Polen ok Kritik inbrocht hett.[1] Intüschen is Torben Beltz hör Trainer.

Se is für en Tennisspelerin nich besünners groot, makt dat aber mit en besünnern Fitness weer gliek. Todem is se Linkshänderin, wat dat för Gegners nich eben eenfacher makt.

Karriere ännern

Hör best Platzeeren up de WTA-Tennis-Ranglist weer Platz 22 (Februar 2012). Dat liggt ok mit doran, dat se in dissen Maand hör eerst WTA-Turnier winnen kunn. In dat Endspeel vun de Open GDF Suez in Paris hett se in dat Endspeel tegen Marion Bartoli mit 7:63, 5:7, 6:3, wunnen. In de sülvig Johr hett se ok an de Olympisch Spelen in London deelnommen. In' Oktober 2012 stunn se denn all up Platz 5 vun de Ranglist.

2016 wunn se hör eerst Grand-Slam Titel, as se bi de Australian Open in't Endspeel Serena Williams in dree Sätzen besiegen kunn. Dormit keem se ok up Rang twee vun de Tennis-Weltranglist.

In' April 2016 harr se mit twee Siegen in dat Eenzel, dorünner gegen Simona Halep, grooten Andeel an dat Klasshollen vun de düütsch Fed-Cup-Mannschap gegen Rumänien. In Wimbledon reck se in dat glieker Johr eerstmals dat Finale, wo se weer up Serena Williams drapen dee un hör in twee Sätzen mit 5:7 un 3:6 ünnerleegen weer.

Bi de Olympisch Spelen 2016 in Rio de Janeiro reck Kerber dat Endspeel, dat se aber gegen de Puerto-Ricanerin Mónica Puig in dree Sätzen (6:4, 4:6, 1:6) verlor.[2] Mit de Sülvermedaille wunn se de eerste düütsch olympisch Medaille in' Tennis siet dat Johr 2000.[3]

Bi den US Open reck Kerber nah Siegen över ünner annern Petra Kvitová, Roberta Vinci un de nicht sett Caroline Wozniacki eerstmals dat Eenzelfinale gegen Karolína Plíšková. Wiel Plíšková in dat Halffinale de Weltranglistenerste Serena Williams slahn harr, stunn dor all fast, dat Kerber af den 12. September as Rangelisteneerst führt wurr, as tweet düütsch Spelerin nah Steffi Graf.[4] Dat Finale gegen Plíšková wunn Kerber in dree Sätzen (6:3, 4:6, 6:4) un reck dorbi hör tweeten Grand-Slam-Titel in't Eenzel.

Enkeld Nahwiesen ännern

  1. US Open - Kerber: "Meine Zeit wird kommen". Interview mit Angelique Kerber up de.eurosport.yahoo.com van' 6. September 2011.
  2. [1] Tennisspielerin unterliegt Puig: Angelique Kerber verliert Olympia-Finale, n-tv Nachrichtenfernsehen, afropen an' 14. August 2016
  3. [2] Regen in Rio: Deutsche Tennis-Damen müssen auf Match warten, www.handelsblatt.com, afropen an' 14. August 2016
  4. US Open: Angelique Kerber steht im Finale – und ist die Nummer eins der Welt, Spiegel Online, afropen an' 11. September 2016

Weblenken ännern

  Angelique Kerber. Mehr Biller, Videos oder Audiodateien to’t Thema gifft dat bi Wikimedia Commons.