Magnus Carlsen

Sven Magnus Øen Carlsen (* 30. November 1990 in Tønsberg) is en norweegsch Schachgrootmeester (siet 2004).

Magnus Carlsen, 2017

Siet Johresbeginn 2010 führt he as bitlang jüngst Speler de FIDE-Weltranglist an. Sien darte Grootmeesternorm hett he in dat Öller vun 13 Johren, 3 Maand un 27 Daag schafft. Dormit is he bit jetzt de dartjüngste Speler överhoopt, de je Grootmeester wurrn is, nah de Ukrainer Serhij Karjakin un de Inder Parimarjan Negi.

Sien hööchste ELO-Tall bedrocht 2882 (Stand: April 2017).

An' 22. November 2013 wurr he in Chennai de 16. Schachweltmeester, as he den Titelverteediger Viswanathan Anand mit 6,5:3,5 besiegen kunn. 2014 hett he sien Titel weer gegen Anand spoodriek verteedigt.

Van' 11. bit 30. November 2016 speel he um de Schachweltmeesterscha 2016 gegen den Herutforderer Sergei Karjakin. An' 30. November 2016, sien 26. Gebortsdag, wunn Carlsen den Tie-Break mit +2 =2 −0, nahdem de twalf regulären Partien mit een Gliekstand (+1 =10 −1) to Enn' gahn weern.

Literatur

• Simen Agdestein: Wunderjunge: wie Magnus Carlsen der jüngste Schachgroßmeister der Welt wurde. Alkmaar 2004, ISBN 90-5691-134-1

Weblenken

• Carlsen up Commons
• Blog up engelsch
• Interview mit Magnus Carlsen (engelsch)
• Chessgraphs.com rating history for Magnus Carlsen, graphed in comparison to other top chess players