Parimarjan Negi
Parimarjan Negi (* 9. Februar 1993 in Neu-Delhi) is en indisch Schachgrootmeester.
Negi hett de Schachregeln lernt, as he veereenhalf Johr old weer. 2002 wurr he U10-Asienmeester in Teheran, 2003 wunn he de Commonwealth-Meesterschap U10. Nahdem he de Normen in Hoogeveen 2005, Dubai 2005 un Sort 2005 erfüllt harr, wurr he in’ April 2006 to’n jüngsten Internatschonalen Meester vun de Welt ernannt. Dornah hett he Grootmeesternormen in Hastings 2005/06, bi dat Parsvnath-Turnier in sien Heimatstadt Neu-Delhi in’ Januar 2006 un to’n Afsluss in Satka (Russland, Tscheljabinsk-Region) in’ Juni 2006 schafft. He wurr somit in dat Öller vun 13 Johr un 142 Daag de damals jüngste Grootmeester vun de Welt un hett dormit denn Magnus Carlsen ut Norwegen aflööst. Negi weer vörövergahnd nah den Ukrainer Serhij Karjakin de tweetjüngste Grootmeester in de Historie vun dat Schach. Negis Trainer sünd Grootmeester Jewgeni Wladimirow ut Kasachstan un de indisch Internatschonale Meester Vishal Sareen.
Sien hööchste Elo-Tall weer bit jetzt 2671 (Okt. bit Dez. 2013).
Weblenken
ännern
- Homepage (engelsch)
- Schachpartien vun Negi up chessgames.com (engelsch)
- Parimarjan Negi becomes India's Youngest Grandmaster (engelsch)
- Anand över Negi (engelsch)
- FIDE-Koort (engelsch)