Malacorhynchini

Malacorhynchini sünd en Tribus mank de Unnerfamilie vun de echten Aanten (Anatinae), de to de Aantenvagels tohören doot.Dor höört bloß man twee Aarden vun Aanten to: De Rosenohraant un de Salvadoriaant. De Rosenohraant is bloß in Australien tohuse un de Salvadoriaant leevt in dat Hoochland vun Neeguinea, wo een slecht henkamen kann. Düsse Aart is eerst 1894 wetenschopplich beschreven wurrn. De eersten Eier sünd sogor eerst 1959 funnen wurrn. Malacorhynchus scarletti weer de drüdde Aart, de to düsse Tribus torekent weern kann. Se hett fröher in Neeseeland leevt un is al vun de Maori utrott' wurrn.

Malacorhynchini
Waart vun de Rosenohraant
Systematik
Ünnerstamm: Warveldeerten (Vertebrata) Klass: Vagels (Aves) Ornen: Gösevagels (Anseriformes) Familie: Aantenvagels (Anatidae) Ünnerfamilie: Echte Aanten (Anatinae) Tribus: Malacorhynchini
Wetenschoplich Naam
Malacorhynchini

Systematik

Datt de beiden Aarden mit'nanner verwandt sünd, hett Bradley C. Livezey in de 1990er Johre seggt. He weer dor up kamen, as he rutfunnen harr, datt se in de Morphologie overeen stimmen doot. Overeen stimmen doot se, wat de witte Teeknung vun'n Ruggen un vun de Sieten angeiht. De Jungen in ehre Dunen verscheelt sik vun de annern Aantenjungen, de to de echten Aanten torekent weert un ok dat Eiwitt vun de Feddern is anners.

Literatur

• Janet Kear (Rutg.): Ducks, Geese and Swans. Oxford University Press, 2005, ISBN 0-19-854645-9
• Hartmut Kolbe: Die Entenvögel der Welt, Ulmer Verlag 1999, ISBN 3-8001-7442-1

Kiek ok bi

• List vun Vagels