Manticore
Manticore (op plattdüütsch so veel as „Mantikor“; dt. Titel: Manticore – Blutige Krallen) is de Titel vun en US-amerikaanschen Feernsehfilm ut dat Johr 2005. In’n Middelpunkt vun den Fantasy-Horror-Film steiht en Mantikor, en Beest ut de greekschen Mythologie.
| Filmdaten | |
|---|---|
| Plattdüütsch Titel: | — |
| Originaltitel: | Manticore |
| Düütsch Titel: | Manticore – Blutige Krallen |
| Produkschoonsland: | USA |
| Johr vun’t Rutkamen: | 2005 |
| Läng: | 88 Minuten |
| Originalspraak: | Engelsch un Araabsche Spraak |
| Öllersfreegaav in Düütschland: | FSK 16 |
| Filmkru | |
| Speelbaas: | Tripp Reed |
| Dreihbook: | John Werner |
| Produkschoon: | Jeffery Beach Phillip J. Roth |
| Musik: | David C. Williams |
| Kamera: | Lorenzo Senatore |
| Snitt: | Tripp Reed David Flores |
| Szenenbild: | Kes Bonnet |
| Kledaasch: | Irene Toskova |
| Dorstellers | |
| |
Inholt
ännernSoldaten vun de 10. Mountain Division, de in’n Irak statschoneert sünd, warrt losschickt, üm en Journalistin un ehrn Kameramann to söken. To de glieken Tiet beswöört de Scheich Umari in en tempelordige Höhl mit Hülp vun en Amulett twee Monsters ut Steen, dorünner ok en Mantikor. Dat tweete Monster kann noch bi’t Beswören tonichten maakt warrn. Man dorna warrt de Lüüd in de Höhl vun den Mantikor doodmaakt. Mit Hülp vun de Monsters wull Umari den Königsthroon vun sien babyloonsche Vörfohren torüchwinnen.
Ünnerwegens finnt de Soldaten-Trupp Anteken vun en Angreep. En Soldat warrt vun den Mantikor dootmaakt. De Soldaten finnt de Höhl un de Lieken dor binnen. Een vun de Soldaten sütt dat Amulett, dat op’n Bodden liggt, un hangt sik dat üm. As jemehr Fohrtüüch op de wietere Fohrt dör en Mien Schaden nimmt, mutt de Trupp na’t nächste Dörp lopen. De Oort is verlaten bit op en lütten Jung. Se gaht em na un finnt versteken in en Kamer de vermissten Journalisten un en poor Inwahners. Dorünner is ok Umari, de sik as en Professer utgifft. Wietere Lüüd vun dat Kummando warrt Opper vun den Mantikor.
Üm dat Dörp to evakueeren foddert Baxter en Heevschruver an. As de to’n Lannen ansetten deit, maakt de Mantikor den Fleger doot, as he em mit sien Stickel dörbohrt. De Heevschruver stört af. Mit jemehr Wapen künnt de Soldaten em nix doon. Ok en Raketenslag översteiht de Mantikor ahn Schaden. „Professer“ Umari hett intwüschen den Soldaten mit dat Amulett ümbröcht, üm sülvst dat Amulett to kriegen, dat för den Mantikor schulen deit. Vun den Scheich warrt se wies, dat de Mantikor un dat Gegenstück, dat bi’t Beswören tonichten maakt weer, vun en babyloonschen König as en Oort bioloogsche Massenwapen to’n Sekern vun sien Macht tüügt weern. Se künnt blots tonichten maakt warrn, wenn se sik gegensietig ankieken doot – dordör schüllt se to Steen verklamen. Man, vunwegen dat dat Gegenstück tonichten maakt worrn is, kann de Mantikor nu nich mehr ophollen warrn.
Baxter hett den Infall, dat Beest mit sien egen Spegelbild to versteenern. Wohrhaftig fangt de Mantikor an to verklamen un Baxter gifft Order to scheten, warrt in den glieken Moment aver vun Umari daalslahn un lett den Spegel fallen. As de Mantikor sien Spegelbild nich mehr sütt, warrt he wedder lebennig. De Schott geiht dorneven: an Steed vun den Mantikor warrt Umari drapen un blifft doot. Corporal Keats, Sergeant Baxter un de lütte Jung ut dat Dörp – de eenzigen, de noch leevt – künnt sik in dat Panzerfohrtüüch redden. En afspeelte Opnahm in’n Monitor vun en Videokamera hett opletzt den glieken Effekt op den Mantikor un lett em wedder verklamen, man de Batterien vun de Kamera sünd meist leddig. In’n letzten Ogenblick halt de Keats en Hamer ut dat Fohrtüüch un sleiht den Mantikor dormit twei, vördem he wedder vullstännig lebennig is.
Kritik
ännernBorns
ännern- ↑ Manticore – Blutige Krallen op Cinema online; afropen an’n 6. September 2009
Weblenken
ännern- Manticore in de Internet Movie Database (engelsch)