Marco Mohrmann
Marco Mohrmann (* 7. September 1973 in Zeven) is en düütschen Politiker von de CDU. He is siet 2017 Afornten in’n Landdag von Neddersassen.
Leven
ännernMohrmann is 1973 boren un in Rohreis opwussen. He hett 1993 sien Abitur an dat Fachgymnasium Landweertschop (Johann-Heinrich-von-Thünen-School) in Bremervöör maakt. Na dat Abitur hett he sien Grundwehrdeenst bi de Bundswehr in de Essener Ruhrlandkasern un de Bremervörer Vörde-Kasern hatt. He hett en Lehr in de Bueree maakt un weer op twee Lehrhööv in Minst un Töst. Na de Lehr hett he an de Universitäten Kiel un Wageningen Bueree studeert un sien Studium 2001 as Diplom-Agrarinschenör afslaten. He hett denn as wetenschoplichen Mitarbeider an de Universität Kiel arbeidt un in’n Februar 2005 sien Dr. sc. agr. maakt.
He arbeidt siet 2004 in’n Verdriev von de Hansa Landhandel GmbH in Heeßel.
Siet 2012 is he Maat in’n Opsichtsraad von de Zevener Volksbank.
Mohrmann hett 1993 Behlke Jagels freet un hett mit ehr dree Kinner.
Politik
ännernMohrmann is 1990 in de Junge Union rin un 1992 in de CDU.
2017 is he to’n Kreisvörsitter von’n CDU-Kreisverband Rodenborg wählt worrn.
He is in’n Gemeenraad von de Gemeen Rhaar un is dor na de Wahl 2016 as Börgermeester wählt worrn. Ok in’n Samtgemeenraad von de Samtgemeen Sürsen sitt he un is dor Vörsitter von de CDU-Frakschoon. Tosätzlich is he Maat von’n Kreisdag in’n Landkreis Rodenborg.
För de Landdagswahl in Neddersassen an’n 15. Oktober 2017 weer he de Direktkannedaat in’n Landdagswahlkreis Bremervöör un kunn sik mit 50,47 % von de Eerststimmen dörsetten.
Weblenken
ännern- Mohrmann sien Websteed (hoochdüütsch)