Marcus Buck (Senater)
Marcus Buck (* 14. Dezember 1621 in Hamborg; † 9. März 1677) weer en Hambörger Senater.
Buck is 1621 in Hamborg boren. He weer in Hamborg op dat Johanneum op School un is 1640 an dat Akadeemsche Gymnasium gahn.[1] Na de School hett he Juristeree studeert (inschreven an de Universität Rostock in’n Juli 1637[2]) un hett 1650 an de Universität Franeker dat akadeemsche Lizentiat kregen.[1] Na dat Studium is he Avkaat in Hamborg ween[1] un 1657 an dat Neddergericht deputeert worrn.[3] 1660 is he in’n Raad von Hamborg wählt worrn, kreeg 1662 dat Amt as Kaspelsherr von Sankt Jacobi un is 1664 Gerichtsherr worrn.[1] He weer von’n 23. April 1665 bet 26. April 1671 Amtmann von dat Amt Ritzbüttel.[1][4] Na em is Hartwig von Spreckelsen Amtmann ween. 1675 is Buck Colonelherr in dat Katharinenregiment worrn.[1]
Buck hett an’n 5. November 1655 Caecilie Kohl freet.[1] De beiden harrn twee Kinner, den Söhn Johann Heinrich (17. Mai 1658–26. März 1666) un noch een Dochter.[1][5]
Footnoten ännern
- ↑ a b c d e f g h Hans Schröder: Lexikon der hamburgischen Schriftsteller. Band 1, Hamburg 1851, Nr. 492
- ↑ Indrag in dat Rostocker Matrikelportal
- ↑ Daniel Heinrich Jacobj: Geschichte des Hamburger Niedergerichts. Gustav Eduard Nolte, Hamborg 1866, Sied 232
- ↑ Heinrich Reinecke: Das Amt Ritzebüttel. Evert, 1935, Sied 143
- ↑ Kurt Ferber: Die Gräber in der St. Abunduskirche zu Groden. - In: Zeitschrift des Vereins für Hamburgische Geschichte. Band 16, 1911, Sied 262f