Marion Lorne
Marion Lorne MacDougall (* 12. August 1883 in West Pittston, Pennsylvania; † 9. Mai 1968 in New York City) weer en US-amerikaansch Schauspelerin.
Leven ännern
Marion Lorne wurr an' 12. August 1883 in Pennsylvania boren un fung 1905 hör Loopbahn in' Showbusiness an' Broadway an. Hör Loopbahn as Filmschauspelerin fung eerst 1951 in den Film Der Fremde im Zug vun Alfred Hitchcock an Lorne weer bit do sien Dood 1944 mit den Dramatiker Walter Hackett verheiraadt.
Nah hör Filmdebüt hett Marion Lorne hör Schauspeelkarriere hööftsächlich in't Feernsehn fortsett. So weer se in de fröh 1950er Johren in de Rull vun de Mestersche Mrs. Gurney in de Sitcom Mr Peepers ro sehn, un in de laat 1950ern in de Rull vun de Myrtle Banford in de vun NBC produzeert Feernsehreeg Sally, an de Siet vun Joan Caulfield. Beid Serien hemm hör Emmy-Nomineeren inbrocht. En wiedere Rull harr Lorne in de The Garry Moore Show. In de letztere Feernsehshow harr se tüschen 1958 un 1961 mehrere Gastupträen.
As de bekanntst Rull vun Marion Lorne gellt aber de vun de levenswert Hex Tante Clara in de spoodriek Serie Verliebt in eine Hexe. Tante Clara is all düchtig dörnanner, un hör Zauberkräfte fangen an minner to wurrn. För disse Rull wurr Lorne 1968 posthum nah tallriek Nomineeren to hör Leevtieden eerstmals mit en Emmy uttekent.
An' 9. Mai 1968 is Marion Lorne an en Hartanfall storven.
Filmografie (Utwahl) ännern
| Johr | Titel | Synchroonsnacker |
|---|---|---|
| 1951 | Strangers on a Train dt.: Der Fremde im Zug |
|
| 1952-1953 | Mr. Peepers | |
| 1953 | The Girl Rush | |
| 1957 | Sally | |
| 1958 | Suspicion | |
| 1958 | DuPont Show of the Month | |
| 1964-1968 | Bewitched dt.: Verliebt in eine Hexe |
Ursula Krieg (1. Stimm); |
| 1967 | The Graduate dt.: Die Reifeprüfung |
Anneliese Würtz |
Weblenken ännern
- Marion Lorne in de Internet Movie Database (engelsch)
- Marion Lorne in de Internet Broadway Database (engelsch)
- Marion Lorne in de Datenbank vun Find a Grave (engelsch)