Marlene Mortler

Marlene Mortler boren Hengelein (* 16. Oktober 1955 in Lauf an der Pegnitz) is en düütsch Politikerin (CSU) weer vun 2014 bit 2019 Drogenbeaupdragte vun de Bundsregeeren.^[1]^[2]

Leven un Berop

Nah de Mittlere Riep 1973 an dat Gymnasium Lauf hett Marlene Mortler de Landwertschapsschool in Roth besöcht un legg 1981 de Meesterprüfung in de ländlich Huuswertschap af. 1983 övernehm se gemeensam mit hör Ehemann den landwertschaülichen Bedriev vun de Öllern in Lauf-Dehnberg un legg de Swoorpunkt up de Produktschoon vun Getreideupslussprodukten un nahwassen Rohstoffen.

Marlene Mortler is evangeelsch^[3], siet 1975 bit to den Dood vun hör Ehemann 2017 verheiraadt un Moder vun dree Kinner.

Partei

Nahdem se 1989 in de CSU intreeden weer, wurr se 1996 ok Liddmaat vun de Fruen-Union. Siet Juni 2009 is Mortler stellvertreeden Vörsitter vun den CSU-Bezirksverband Mittelfranken, in' Oktober 2011 wurr se as Liddmaat in den CSU-Parteivörstand wählt un siet November 2011 is se as Nahfolgerin von Albert Deß Landsvörsittersche vun de Arbeitsgemeenschap Landwertschap vun de CSU.

Afordnete

Siet 1990 hörrt Marlene Mortler den Kreisdag vun den Landkreis Nürnbarger Land an. Van 1996 bit 2004 weer se eerste stellvertreeden Landrätin vun den Landkreis.

2002 wurr Mortler Liddmaat vun den Düütschen Bundsdag un bleev dat bit 2019. Hier hett se vör allen in de Utschüsse för Nehren, Landwertschap un Verbruukerschuul as ok Tourismus arbeit. Van 2004 bit 2005 weer se agrar- un verbruukerpolitische Sprekerin vun de CSU-Landesgrupp. Van 2005 bit 2009 weer se Vörsitter vun den Bundsdagutschuss för för Tourismus, siether is Mortler tourismuspolitische Sprekerin vun de CDU/CSU-Fraktschoon.

Marlene Mortler is immer as direkt wählt Afordnete vun den Bundsdagwahlkreis Roth in den Bundsdag intrucken.

2019 wurr se in dat Europääsch Parlament wählt.

Sellschopplich Engagement

Marlene Mortler weer van 1982 bit 2004 Vörsittersche vun de Landfruen in' Landkreis Nürnbarger Land un hörrt siet 1992 as Bezirksbuersche vun de Buernverband Mittelfranken un tweet stellvertreeden Landesbuersche to dat Präsidium vun den Bayerischen Buernverband an. 1997 wurr se to de eerste stellvertreeden Landesbuersche wählt.

Utteknungen

Bayerisch Verdeenstorden (2010)

Weblenken

Enkeld Nahwiesen

[1] ttp://www.welt.de/politik/deutschland/article123839851/Bayerin-kaempft-gegen-Crystal-Meth-amp-Co.html

[2] ttp://www.n24.de/n24/Nachrichten/Politik/d/4118598/marlene-mortler-loest-mechthild-dyckmans-ab.html

[3] ttp://www.marlenemortler.de/joomla/index.php?option=com_content&view=category&layout=blog&id=37&Itemid=34

[1]

[2]

[3]