Matthias Simmen

Matthias Simmen (* 3. Februar 1972 in Altdorf) is en ehmalger Swiezer Biathlet.

Matthias Simmen fung 2001 mit Biathlon an un hörr sietdem to dat Swiezer Natschonalteam. De Grenzwächter wurr vun Manfred Geyer traineert un is för Gardes Frontière antreeden.

Simmen hett an söben Biathlon-Weltmeesterschapen un dree Olympisch Winterspielen deelnommen. Sien besten Resultate reck he mit Platz 10 in‘ Sprintwettkamp över 10 km bi de Biathlon-Weltmeesterschapen 2007 as ok Platz 16 in dat Eenzelrennen bi de Biathlon-Weltmeesterschapen 2005. In Weltcup weer sien best Platzeeren de darte Rang in den 10-km-Sprint an‘ 8. Dezember 2006 in dat öösterrieksch Hochfilzen, achter Ole Einar Bjørndalen un Michael Greis; dormit is Simmen de eerste Swiezer Biathlet ween, de en Platz up dat Siegerpodest halen kunn. An dat Enn‘ vun de Saison belegg he Platz 29 in den Gesamtweltcup.

2008 nehm Simmen eerstmals an en Sömmer-Biathlon-WM deel. In dat Rollski-Verfolgungsrennen wunn he de Bronzemedaille achter Simon Fourcade un Vincent Defrasne.

Matthias Simmen hett an dree Olympisch Winterspelen deelnommen. 2010 weer sien best Platzeeren Rang 26 in’t Eenzel, mit de Staffel keem he up Rang 9.

An‘ 16. März 2011 geev Simmen sien Rückträe vun den aktiven Spitzensport to dat Enn‘ vun de Saison bekannt.

Tietwies hett he dornah as Experte an de Siet vun Sigi Heinrich bi Eurosport as Experte de Biathlon-Wettbewarfen kommenteert. Bi SRF is he siet Februar 2012 as Co-Kommentator anstellt.

Weblenken

• Matthias Simmen in de Datenbank vun de IBU (engelsch)