Mellum
Mellum (ok Olt Mellum) is en relativ jung Düneninsel in de Noordsee, negen Kilometer östlich van Horumersiel in Neddersassen. Dat Eiland hett sück ut en Hoochsand entwickelt, se liggt an de Noordtipp van den Hohe-Weg-Wattrüggen, den Noordseeküstenöörd Horumersiel as ok Schillig vörlagert. Eerst in dat letzte Veertel van dat 19. Johrhunnert is se up de Watterwaterscheed tüschen Jade un Weser entstahn. Se is een van dree unbewahnt Eilannen in den Nationalpark Niedersächsisches Wattenmeer, de all strengen Natuurschuulbedingungen ünnerliggen. Of Mellum to de oostfreesch Inseln tellt, is umstreeden, wiel de Insel östlich van Wangeroog un de Butenjade liggt. Nah de Afgrenzen dör dat Bundsamt för Naturschutz hörrt de Mellum nich mehr to de oostfreesch Inseln, sonnern to de Watten im Elbe-Weser-Dreieck.[1] Knapp söben Kilometer nordöstlich liggt de gelegentlich dröögfallend, rund 0,4 Quadratkilometer groot Sandplate West-Eversand. Wiedere negen Kilometer nordöstlich liggt de Hooch Knechtsand.
Geographie ännern
De Insel hett en Südwest-Nordost-Utdehnen van etwa 3 Kilometern. In Nordwest-Südost-Richt is de Insel etwa rund 1,8 Kilometer lang. Se besteiht hüüd hööftsächlich ut Dünen un Soltwiesen. Dör Strömung un Wind ännert sück hör Form stännig. Dat Gröönland mit de Soltwies wasst un dehnt sück wieder ut. Disse Inselbereich wurrd van bit to 2 Meter deep Prielen dörsneen.
De Flach van dat Gröönland weer 1903 teihn Hektar, wasst aber sietdem an:
- 1913: 13 Hektar
- 1924: 23 Hektar
- 1932: 38 Hektar
- 2006: 75 Hektar.
Dat dat Eiland grötter wurrd, passeert dör Riffe un Platen, de van See her kommend, mit de Insel verschmülten, aber ok de Sandverklappungen van Baggergoot in’n Riffkomplex van Mellum können in nee Tiet dorför verantwortlich ween. Dat Inselwassdom is aber nich immer so ruhig vanstatten gahn. 1937 bispeelswies wurr in dat Protokoll van den Mellumraat vermarkt, dat de Winterstorms de Insel völlig överspööt harr nun de Düün up en Längt van 50 Meter un etwa 10 Meter breet afdragen wurr.
