Melvin Sparks

Melvin Sparks (* 22. März 1946 in Houston; † 15. März 2011 in Mount Vernon, New York) weer en US-amerikaansch Gitarrist vun den Soul-Jazz, Hard Bop un Rhythm and Blues.

Leven un Wark

Sparks fung in dat öller vun elf Johren mit dat Gitarrespelen an; mit 13 Johren is he all tosommen mit B. B. King uptreden. 1963 wurr he Liddmaat vun de Band The Upsetters, de as Begleitband för Stars as Little Richard, Sam Cooke un annern speel. Nahdem he de Upsetters verlaaten harr, hett 1966/67 mit Jack McDuff arbeit. Enn vun de 1960er un in de 1970er Johren hett Sparks mit Hank Crawford, Lou Donaldson, Charles Kynard un Charles Earland arbeit. Mit Earland nehm he 1969 dat Album Black Talk up. In de 1980er Johren wark he mit Jimmy McGriff (Blue to the Bone), 1996/97 noch mal mit Hank Crawford un mit Joey DeFrancesco, 2000 mit de sien Vader Papa John DeFrancesco. 2001 nehm he mit Red Holloway dat Album Keep that Groove Going! up.

Sparks wark buterdem an Upnahmen vun Bob Cunningham, John Patton, Lonnie Smith/Lee Morgan (Think, 1968 auf Blue Note), Sonny Stitt, Grover Washington, Jr. un Reuben Wilson mit. He nehm in de 1980er un 1990er Johren eenig Alben as Bandleader för Prestige Records un Muse up, de aber intüschen all vergreepen sind. Af Enn‘ vun de 1990er Johren geev dat ünner eegen Naam de Alben I’m A Gittar Player (1997), It Is What it is (2004) un That Is It! (2005).

Sien Gitarrenstil is stark vun Grant Green beinfloot.

Weblenken

• Richard Cook & Brian Morton: The Penguin Guide to Jazz Recordings, 9th Edition, London, Penguin, 2008 ISBN 978-0141034010.
• Sparks bi All Music Guide
• Nahroop in Jambands.com
• Sparks in de Katlog vun de Deutsche Nationalbibliothek
• Personennaamdatei