Memory Alpha (faken in korte Form: MA) is en Datenbank in de Form vun en Websteed, de Weten to dat Thema Star Trek praat stellt.

Nöömt is de Datenbank na dat kulturell Archiv vun de Vereenigte Föderatschoon vun de Planeten ut dat Star Trek-Universum. Memory Alpha funkschoneert na dat Wiki-Prinzip, dat heet, de Sieten vun de Datenbank künnt vun elk Besöker wieterschreven oder ännert warrn. Anfungen hett dat Projekt in’n November 2003, as dat vun Hary Doddema un Dan Carlson in’t Leven ropen weer. Vundaag gifft dat Memory Alpha in de Spraken Engelsch, Düütsch, Nedderlännsch, Sweedsch, Franzöösch, Poolsch, Esperanto, Spaansch, Tschech’sch, Russ’sch, Portugeesch (Brasilien), Serbisch, Chinees’sch, Japaansch, Bulgaarsch un Italieensch. Bito gifft dat ok noch en engelschsprakige Faten ut de Sicht vun en Spegeluniversum

Inholt ännern

Mit över 29.000 Artikels (Stand vun’n Januar 2009) tellt de engelsche Faten vun Memory Alpha mit to de gröttsten bekannten Wikis (kiek ok: [1]). De düütsche Memory Alpha Faten hett aver ok al mehr as 13.000 Artikels un is dormit de tweetgröttste Spraakversion.

Memory Alpha ünnerscheedt nipp un nau twüschen „kanoonsch“ Weten över dat Star Trek-universum. Dat heet över Informatschonen, de Bestanddeel sünd vun de vun Paramount Pictures produzeerten Feernsehregen und Speelfilmen sünd, un to’n Bispeel in de Literatur vörkamende „inoffizielle“ Inholten. Dat Projekt sammelt Artikels över utdachte Personen, Öörd, Kriegen, Kämp, Technologien, Leevwesen usw. Bito gifft dat Tosamenfaten vun de Folgen vun de Feernsehregen un Filmen, as ok Informatschonen över de Schauspelers un de Filmkrus.

Lizenz ännern

De Inholten vun Memory Alpha staht ünner de Creative Commons-Lizenz„CC-BY-NC“, de den wieteren Bruuk blots för nich-kommerziell Anwennen verlööft ünner Angaav vun de Mitarbeiters. Disse Lizenz is nich tosamen to bruken mit de in’t Wikipedia-Ümfeld verbreedte GNU-Lizenz för fre’e Dokumentatschoon. Ofschoonst dat Projekt vun de Oort un Wies teemlich gliek is to de Wikipeida-Nakieksels un mit MediaWiki ok de glieke Software bruukt, drööft de Inholten twüschen de Projekten dorüm nich eenfach uttuuscht warrn.

Memory Alpha verwennt vele Biller vun’n Kieker un ok echte Fotos (to’n Bispeel vun de Schauspelers – wobi de düütsche Faten kuum son Biller bruukt). Die Bedrievers beroopt sik dorbi op de ünner den Begreep „fair use“ tohopenfaten Schrankenregeln vun’t US-amerikaansche Oorheverrecht.

Hosting ännern

Siet Februar 2005 warrt dat Hosting vun de Servers vun de Firma Wikia toweeg bröcht, de vun den Wikipedia-Grünner Jimmy Wales start worrn is.

Websteed ännern