Mercer Ellington

Mercer Kennedy Ellington (* 11. März 1919 in Washington D. C.; † 8. Februar 1996 in Kopenhagen) weer en US-amerikaansch Jazztrompeter, Komponist un Arrangeur. He is de Söhn vun den berühmten Komponisten, Pianisten un Bandleader Duke Ellington.

Mercer Ellington in concert an de University of Rochester 1975

Leven un Wark

De jung Ellington wurr musikalisch dör sien Vader ünnerricht. He studeer an de Columbia University un de Juilliard School of Music. Sien eerst upnommen Musikstück, Pigeons and Peppers, schreev he, as he achteihn Johr old weer.

In de Jahren 1939, van 1946–1949 un 1959 hett he eegen Bands leit, deren Liddmaaten faken bi sien Vader wieder speelt hebbt oder sülvst bekannt Musikers wurrn sünd, so as etwa Dizzy Gillespie, Kenny Dorham, Idrees Sulieman, Chico Hamilton, Charles Mingus un Carmen McRae.

In de 1940er Johren schreev he eenig Stücken, de later to Jazzstandards wurrn, dorünner Things Ain’t What They Used to Be, Jumpin’ Punkins, Moon Mist un Blue Serge.

För sien Vader komponeer he van 1940 bit 1941, verbroch sien Armeedeenst 1943–45 in en Militärkapelle ünner de Leitung vun Sy Oliver un hett dornah as Road Manager för dat Cootie Williams-Orchester un as Produzent för dat lütt Label Sunrise Records arbeit. 1950 speel he eerst as Musiker bi sien Vader un hett denn as Manager arbeit. 1960 wurr he Musik-Direkter bi Della Reese, 1962 wurr he Disk Jockey in New York City. 1965 keem he nochmal to dat Ellington Orchestra, ditmal as Trompeter un Road Manager.

Nah de Dood vun sien Vader 1974 övernehm he de Leitung vun dat Duke Ellington Orchestra un gung dormit up Europa Tournee (1975, 1977). In disse Band hebbt ünner annern ok Barrie Lee Hall junior un Ricky Ford speelt. 1978 broch Mercer Ellington in Tosommenarbeit mit den Kritiker Stanley Dance en Biographie över sien Vader rut: Duke Ellington in Person: An Intimate Memoir. In de fröh 1980er Johren weer he Dirigent in der Duke-Ellington-Broadwayrevue Sophisticated Ladies un weer 1986 an de Upführung vun de Duke Ellington-Oper Queenie Pie bedeeligt. In de laat 80er truck he nah Däänmark un wietgahnd ut dat Musikleven torüch. 1988 wurr sien Album Digital Duke (GRP) mit en Grammy Award uttekent.

Mercer Ellingtons Söhn, Edward, speel in de laat 1970er Johren in dat Ellington Orchestra. Sien jüngere Söhn Paul, övernehm dat Orchester nah sien Dood. Sien Dochter Mercedes is Danzerin un Choreografin.

Ellington is kört nah sien söbenunsöbentigs Gebortsdag an Hartverseggen storven.

Diskografie as Bandleader (Utwahl)

Ricky Ford un Mercer Ellington 1975

• Stepping into Swing Society (Coral Records, 1959)
• Colors in Rhythm (Coral, 1959)
• Black and Tan Fantasy, 1958/59 (MCA Records, 1973)
• Hot and Bothered (Doctor Jazz, 1985)

mit dat Duke Ellington Orchestra

• Continuum (Fantasy Records, 1975)
• Digital Duke (GRP Records, 1987) mit Barrie Lee Hall junior
• Music Is My Mistress (Musicmasters, 1989)

Weblenken

• Ian Carr, Digby Fairweather, Brian Priestley: Jazz: The Rough Guide. ISBN 1-85828-528-3. Seite 240 f.
• Mercer Ellington bi Allmusic
• The New York Times: Mercer Ellington, 76, Dies; Led His Father’s Band. Nachruf vom 9. Februar 1996, New York NY 6.1857,14.Sept.ff. [1]
• Mercer Ellington in de Katalog vun de Deutsche Nationalbibliothek
• Personennaamdatei